Chapter 35

Caroline Esteban is Jenica's bestfriend since highschool. Noong kapwa pa nag-aaral ay tinagurian na silang 'opposite duo' sa eskwelahan. Si Carol na isang 'kwela' habang siya naman ay isang 'silent' type.

Noong naaksidente dahil sa car accident ang mga magulang ni Jenica, si Carol na ang naging sandigan niya para lang magpatuloy sa buhay. Kasa-kasama niya ang babae hanggang magtapos sila ng kolehiyo at makahanap ng trabaho.

At noong inakusahan siya ng fraud ng kompanyang pinagtatrabahuan noon at binayaran ang malaking halaga na hindi naman siya ang nagnakaw, nagbiro si Carol sa kaniya.

"Beh, maghanap ka na lang ng mayamang matanda, 'yong matitigok na para 'pag natuluyan, eh sa 'yo mapupunta ang mana," payo ni Carol sa kaniya at langong humagikgik.

Ewan kung anong pumasok sa kokote ni Jenica sa gabing 'yon at sinuyod niya ang buong bar para maghanap ng mayamang target.

"Hello, Sir! Baka want niyo ng asawa? Willing to apply ako!" natatawang biro ni Jenica sa VIP room na pinasukan n