Chapter 26 Lies

Hindi niya maiwasang makonsensya sa bawat pagkakataong makikita ang malungkot na ngiti ng kaibigan, hindi niya maintindihan kung bakit kahit anong pagpupumilit niya ay ayaw nitong magsalita, batid niyang kilala ni Celina ang gumawa gumawa noon sa kanya pero naroon ang pag-aalinglangan ng kaibigan na umamin.

Kung kaya naman kahit na sabihin pa ng kaibigan na kalimutan na ang bagay na iyon ay sadyang naroon ang bigat sa kanyang dibdib dahil sa paninisi sa sarili, lalo pa at siya ang nag-aya dito at nangyari iyon dahil sa kanyang kapabayaan.

Hanggang ng mga oras na iyon ay dala-dala niya ang bigat ng pasanin ng mga nangyari, dahil na rin sa wala siyang magawa upang bigyan hustisya ang sinapit ng matalik na kaibigan.

Iyon ang mga bagay na dahilan kung bakit hanggang ng mga panahon iyon ay panaka-naka ang pagiging tulala ni Lucy.

"Lucy! " Alingawngaw ng isang malalim na boses mula sa likod.

Agad siyang napatigil sa paglalakad upang lingunin ang taong tumawag sa kanya, hindi niya mapigilan