Chapter 1

Krisa POV

First day of class ngayon kaya ito ako naglalakad papasok sa University na papasukan ko, matagal din akong naging home school kaya kinakabahan ako dahil ngayon na lang ako uulit papasok at may mga kasama na ako.

Habang naglalakad ako sa hallway ay marami na akong estudyante na nakikita, mukhang excited din sila sa pagbubukas ng klase, 'yong iba naman ay nakikipag usap sa kanilang mga kaibigan. Pakiaramdam ko ay ma out of place talaga ako dahil wala man lang ako kakilala kahit isa.

Nagpatuloy lang ako sa paglalakad para hanapin ang room ko, hanggang sa hindi nagtagal ay nakita ko din naman ito. May nakita akong dalawang babae na nag uusap katabi ng pinto kaya lumapit ako sa kanila para magtanong, mas gusto ko ang makasigurado dahil nakakahiya kapag mali ako ng pinasukan.

"Hello, excuse me. Pwede bang magtanong?" pagkuha ko sa atensyon nila.

"Hi, what is it?" sagot ng isang blonde ang buhok.

"Ito ba ang BA Section A?" tanong ko.

"Ah yes, why? Dito ka ba?" tanong naman ng isang babae na medyo wavy ang buhok.

"Oo, bago lang kasi ako kaya hindi ko kabisado ang pasikot sikot dito." anas ko at tumango naman silang dalawa.

Nagpasalamat lang ako sa kanila at saka pumasok na sa loob para maghanap ng bakanteng upuan, nagpasya ako na sa dulo na lang maupo na malapit sa bintana.

"Hi," bato ko sa isang babae na nakaupo sa gilid.

Napatingin naman siya sa akin at ngumiti. "Hello, bago ka ba? Parang ngayon lang kasi kita nakita. Hindi ka pamilyar sa akin."

Tumango naman ako. "Home school kasi ako at ngayon na lang ulit pumasok." sagot ko naman.

"Oh I see. Welcome! " 

Umupo lang ako at tahimik na nagbasa, mahilig kasi ako do'n kahit na sa bahay lang ako. Hanggang sa dumating na ang magtuturo sa amin kaya itinago ko na muna ang binabasa ko at saka nakinig sa klase, mahirap na kapag napagalitan pa.

Halos isang oras din ang itinagal ng klase namin hanggang sa mag break time. Inayos ko lang ang mga gamit ko at saka tumayo para umalis, nagugutom na din kasi ako kaya gusto ko ng kumain.

"Krisa, pupunta ka ba ng cafeteria? Sabay na lang tayo." saad sa akin ni Kyla na tinaguan ko naman.

Palabas na sana kami may narinig akong nagtitilian sa labas. Ano naman kaya ang meron? Pati ba naman sa University ay hindi nawawala 'yong mga ganito?

Paglabas namin ni Kyla at halos manlaki ang mga mata ko dahil nakita ko lang naman si Kyro, kasama niya ang dalawa niyang kaibigan. Ang tigas talaga ng ulo ng lalaking ito. Ilang beses ko ng sinabi sa kanya na huwag niya akong puntahan pero hindi man lang ito nakinig, mamaya talaga ito sa akin.

"May klase ka pa?" tanong nito sa akin.

"Wala na, papunta nga kami sa cafeteria kasi nagugutom na din ako." sagot ko sa kanya.

"That's good. Tara na!"

Hindi ako sumunod sa kanya kaya nilingon niya ulit ako at tiningnan ng seryoso. "May kasama kasi ako, kaibigan ko." saad ko.

"Hindi naman 'yon problema. Pwede naman siyang sumama."

Nilingon ko naman si Kyla na halatang nahihiya din dahil sa nangyayari. "Ky, okay lang ba kung sumabay tayo sa kanila?" tanong ko sa kanya.

"Ah ayos lang naman Ysa, wala naman kaso 'yon." sagot niya kaya ngumiti na lang ako sa kanya at sabay sabay na kaming naglakad.

Nang makarating kami sa cafeteria ay halos sa amin nakatingin ng mga estudyante na nando'n, paano ba naman kasi dahil sa tatlong kasama namin kaya sila ganyan. Ang balita ko ay mga kilala at hearthrobs sila ng University na ito.

"Stay here, kami na ang bibili ng pagkain." wala naman akong nagawa kung hindi ang tumango na lang samantalang si Kyla at nakayuko pa din.

"Girl, hindi mo naman sinabi na kilala mo pala silang tatlo." saad ni Kyla sa akin ng makaalis ang mga lalaki.

"Pasensya ka na, hindi ko din kasi alam na pupunta sila sa room natin. Ang titigas talaga ng ulo ng tatlong 'yon." anas ko.

"Ako nga ang nahihiya kasi kilala mo pala ang mga 'yon tapos kasama mo sila ngayon. Alam mo bang kilala sila dito sa University at maraming nagkakagusto sa kanila. Pero paano mo sila nakilala?"

"Matagal ko na silang kilala, pero ang unang nakilala ko talaga ay si Kyro kasi magkaibigan ang mga magulang namin at business partners din kaya ayon naging close kami." sagot ko sa kanya.

"Hindi ba suplado?"

Natawa naman ako dahil sa tinanong niya. "Alam ko ang nasa isip mo, gano'n na talaga siya kaya sanay na ako. Minsan naman mabait siya depende lang talaga sa mood niya.' wika ko.

"Samantalang dito sa University dinaig niya pa ang bato."

Natigil ang pag uusap namin ng dumating na ang tatlo dala ang tray na may laman na pagkain. Umupo sa tabi ko si Kyro habang ang dalawa naman at pinagitnaan si Kyla.

"Hindi ko alam na pumasok ka na pala Ysa." wika ni Aiden.

"Naisipan ko din kasi na ang boring din pala kapag home school ka, kahit ilang taon lang at saka para kasi akong bata sa gano'n." natatawang anas ko.

"How's your day?" tanong sa akin ni Kyro.

"Okay lang naman pero ang boring talaga ng unang klase namin, paano ba kasi 'yong prof. napakaseryoso." sagot ko sa kanya.

"Ang sabihin mo hindi ka na naman nakinig. Tss."

"Eh ang boring naman talaga at saka alam ko naman ang topic kaya kahit hindi ako makinig ay may isasagot naman din ako." anas ko.

Nagpatuloy lang ako sa pagkain at ng mapadpad ang tingin ko kay Kyla ay nakita ko ang paminsan minsan na pagsulyap niya kay Blue.

"Ky, may gusto ka bang sabihin kay Blue?" tanong ko sa kanya na ikinagulat niya naman.

"Huh? Wala ah! Ano bang pinagsasabi mo diyan." saad niya at pinandilatan pa ako ng kanyang mga mata kaya natawa ako.

"What is it?"

"Wala Blue, huwag mong intindihin 'yang sinasabi ni Krisa." mabilis na turan nito.

Nagkwentuhan lang kami hanggang sa matapos kaming kumain at bumalik sa room dahil may sunod pa kaming klase.

"I'll fetch you later. Okay?" saad ni Kyro at ang dalawang ugok ay sumisipol sipol pa.

Nang makapasok kami sa loob ng room ay agad akong umupo.

"Hay salamat at makakahinga din ako ng maluwag." rinig kung saad ni Kyla.

"Anong meron?" tanong ko sa kanya.

"Anong klaseng tanong 'yan? Ikaw ba naman makasama 'yong tatlo na 'yon hindi ka kaya himatayin? Ikaw sanay na eh ako hindi." 

Natawa naman ako sa kanya, kaya pala halos hindi siya makakibo kanina. "Ang sabihin mo ay may crush ka lang kay Blue kaya ka ganyan." pang aasar ko.

"Hoy! Baka may makarinig sayo, kapag ako sinabunutan ng mga fan girls no'n ikaw talaga ang kakalbutin ko."

"So totoo nga?" tanong ko sa kanya.

"Hmmm, slight lang naman. Gwapo kasi siya at saka mabait. Ayaw ko naman kay Aiden masyadong babaero ang isang 'yon, samantalang si Kyro naman masyadong cold at saka sa tagal ko ng kilala 'yan eh wala akong nababalitaan na may pinatulan 'yan dito sa University ang balita nga ay baka may jowa daw 'yon eh. Totoo ba? Diba close mo sila so alam mo ang tungkol sa buhay nila."

"Ayaw ko nag sagutan ang mga 'yan, ikaw na ang bahalang umalam." saad ko.

"Ang damot mo naman!"

Mabilis lumipas ang oras at ngayon ay uwian na namin, kasabay ko si Kyla ngayon na naglalakad papunta sa parking lot. 

"Mukhang ikaw yata ang hinihintay ni Kyro." saad sa akin ni Kyla kaya sinundan ko naman ang tingin niya at nakita ko itong naglalakad sa gawi namin.

"Nasaan sina Aiden at Blue?" tanong ko sa kanya.

"Si Aiden hindi ko alam, may kasamang babae 'yon kanina at si Blue naman ay may meeting sa basketball." sagot niya sa akin.

"Kyla may sundo ka ba?" tanong ko sa kanya.

"Yes meron, hinihintay ko na lang dahil nandito naman na 'yon mayamaya." sagot niya sa akin.

"Sasamahan ka na lang muna namin." saad ko.

Umiling naman siya. "Huwag na at baka may pupuntahan pa kayo."

"Sigurado ka ba?" saad ko.

"Oo naman, sige na umalis na kayo."

Tumango na lang ako at saka umalis na kami ni Kyro.