FLOWER FARM

“Bakit parang mas lumawak naman yata ang flower farm natin ngayon?” tanong ni Mhia sa kaniyang Auntie Fe.

Nasa mismong farm sila sa mga sandaling iyon. Halos hindi na niya matanaw ang hangganan niyon dahil sa extensions. May mga greenhouse din kung saan inaalagaang mabuti ng mga tauhan nila ang mga seedlings na itinatanim doon.

Kung susumahin, sa flower farm pa lang ay buhay na buhay na sila ng kaniyang lola at dalawang tiyahin. Iyon nga lang, ayaw naman niyang umasa sa mga ito. Mas gusto pa rin niyang pinaghihirapan ang mga ibinibili niya sa kaniyang mga luho— na hindi niya rin alam kung mayroon. Isa pa, gusto na talaga niya noon pa man ang magkaroon ng sariling flower shop.

“Binili na rin kasi ng lola mo iyong katabing lupa natin. Alam mo na, malakas ang farm ngayon lalo na at isa ka sa regular sinusuplayan nito. We need to expand to meet the orders of our clients. May mga bago ring variety ng roses, tulips, daisies, dahlias at kung ano-ano pa na mas mabenta ngayon sa market. Mabent