CHAPTER 82

HINDI na nagulat si Yesha nang makita ang reaksiyon ng kaniyang ina. Sino ba naman kasi ang hindi magugulat kung makita mo ang anak mo na umalis at pagbalik ay may kulay na ang buhok.

"Bagay naman sa kaniya, 'di ba, tita?" singit ni Erika. Siya naman ay naghihintay ng magiging sagot ng kaniyang mama. "Tita..." tumayo si Erika at saka pabirong hinilot ang balikat ng kaniyang ina. Si Yesha naman ay napailing na lang sa kalokohan ng kaibigan.

"malaki naman na si Yesha. At isa pa, alam naman na po niya kung ano ang ginagawa niya." malakas silang natawa nang kurutin ng mama niya si Erika. "Tita naman!"

"Anong tita naman? Tinuturuan mo 'tong Yesha ko. Oo nga bagay sa kaniya. Pero masama kaya 'yang nagpapakulay ng buhok. Puwede kayong magkasakit lalo na kung paulit-ulit." wala sa sariling napahawak sa buhok si Yesha. Alam naman na niay iyon pero wala naman na siyang plano na magpapalit ng kulay. Maliban na lang sa itim.

"Tita ngayon lang naman. At mukhang wala n