CHAPTER 81

WALANG nagawa si Yesha kung hindi ang magpahila kay Erika sa mall. Talagang ipinagpaalam pa siya ng babae sa kaniyang ina. Ayaw naman sumama ng ma niya dahil gusto raw na magpahinga.

"Girl, nasa mall na tayo tapos mukha ka pa ring pinagsakluban diyan ng langit at ng lupa. Ano ba kasi ang pinaggagagawa mo sa buhay mo? At isa pa, bakit ka puro simangot? Alam kong masakit 'yan, pero huwag mo namang hayaan na lamunin ka lang ng sakit." panenermon ni Erika na ikinatawa niya. "Dinaig mo pa si mama ah..."

"gaga ka kasi!"

"Ayos lang ako. At isa pa, hindi naman na masyadong masakit, kahit mahal ko siya, hindi naman ako papayag na ako lang ang hindi masaya." napangiti rin si Erika sa mga katagang binitawan niya. Talagang hindi siya papayag. Hindi puwedeng siya lang ang nagdudusa sa lagay na ito. "Pakulay na lang tayo ng buhok." aya ng babae na para bang gano'n lang iyon kadali.

"Baliw ka ba? Hindi laro ang pagpapakulay ng buhok ha!" saway niya rito pero kinindatan