Chapter Four

"Prepare your team, Agent Tetsuya. We're about to enter the club!"

NANG marinig iyon ni Akihiro ay palihim niyang sinulyapan ang iba pang kasamahan at patagong tumango sa mga ito, na ang ibig sabihin ay maghanda. Nasa loob sila ng club mga kasamahan ng gabing iyon at nagpapanggap bilang customers.

Pasimple niyang kinapa ang Calibre 45 na nakatago sa leather jacket niyang suot habang malikot ang mga mata na sinusuyod ang paligid. May ilang bantay rin ang club na nagkalat sa loob na pawang armado, kaya naman inihanda niya ang sarili sa mga posibleng mangyari.

Ilang saglit pa, ay nabulabog ang mga tao sa loob ng club nang pumasok ang NBI, kasama ang ilang pulis at nag-anunsyo ng raid. Si Aki at ang mga kasamahan naman niya ay maagap rin na nagsipagtayuan at tinututukan ang mga naroon.

"Raid 'to! Walang kikilos ng masama sa inyo at sumama kayo ng matiwasay!" malakas na sigaw ng NBI agent na kasama nila sa operasyong iyon. "Itaas niyo ang inyong mga kamay at ilagay sa likod ng ulo!" mariin pa nitong sigaw.

Sa labis na pagkabigla ay hindi nakahuma ang mga customers at empleyado ng The Hidden Paradise. Nahihintakutang tumalima ang mga ito at kaagad na itinaas ang kanilang mga kamay. Ngunit ang mga bantay ay agad nagpaputok dahilan upang magkagulo sa loob ng club. Nagkaroon ng palitan ng putok sa pagitan ng mga alagad ng batas at mga bantay.

Mabilis namang nailabas roon ang mga hinuling customer na sa kabutihang palad ay hindi na nanlaban. Marahil ay sa takot na masangkot ang iniingatang pangalan sa ganoong uri ng kaguluhan. Halos mayayamang negosyante ang parokyano ng club. Ang ilan pa nga ay pawang mga dayuhan lang. Maging ang mga kababaihan na ibinubugaw ay maingat din na nai-rescue at ligtas na nailabas roon.

Shit! Si Mr. Law! mariing mura ni Aki habang nakikipagpalitan ng putok sa mga kalaban. Marahil ay naalarma na ito at naghahanap na ng paraan kung paano makatatakas. Maging ang nagsisilbing floor manager ay hindi rin niya makita roon.

Binalingan ni Aki ang isa niyang kasamahan. "Agent Asis, hahanapin ko si Mr. Law. Backup-an mo 'ko!" utos niya rito saka siya lumabas sa pinagkukublihang pader at tinalunton ang daan patungo sa ikalawang palapag. Habang ang tauhan naman niya ay nakasunod sa likuran niya.

Malikot ang mga mata ni Akihiro habang nakatutok ang baril sa pasilyo. Bawat sulok na madaanan ay hinahalughog niya. Ilang sandali pa nga ay namataan niya si Mr. Law kasama ang floor manager at ilang mga tauhan na tumatakas at dumaan sa fire exit. Mabilis siyang humabol sa mga ito at naabutan niyang pababa na ang mga ito sa bakal na hagdan.

"Hindi ka makakatakas, Mr. Law! Magbabayad ka sa batas!" malakas na sigaw niya sa mga ito dahilan upang lingunin siya ng mga tauhan nito at puntiryahin. Ngunit mabuti na lamang at mabilis siyang nakailag. Nakipagpalitan siya ng putok sa mga apat na bodyguard nito at dahil sa bihasa siya sa ganoong larangan, madali niyang napatumba ang mga ito.

Bakas ang takot sa mukha ni Mr. Law nang maabutan niya ito. Maging ang babaeng manager na kasama nito ay bakas rin ang matinding takot. Tinutukan niya ng baril si Mr. Law habang pababa siya ng hagdan. Samantalang ang tauhan naman niya ay nakaalalay sa kanyang likuran.

"Mr. Law, sumuko ka na at pagbayaran ang mga kasalanan mo!" mariing utos ni Akihiro sa matandang intsik na noon ay tila naestatwa dahil sa takot.

"Napakaraming buhay ng kababaihan ang sinira mo! Ikaw at ng mga kasamahan mo sa negosyo. Hindi na kayo naawa! Ang gusto lang naman ng mga babaeng 'yon ay makapagtrabaho pero ginamit mo sila sa mga kademonyohan mo! Dapat kang mabulok sa kulungan!" galit na sigaw niya habang nakatutok ang baril dito.

"H-have mercy on me! 'Wag mo ako huli! I'll pay you, just don't arrest me! I don't want to go to in jail!" pagmamakaawa pa nito sa kaniya. Sa narinig ay lalong nagpuyos ang kalooban niya sa galit.

"Patatawarin lang kita, Mr. Law kung maibabalik mo sa dati ang mga buhay na sinira mo! Kaya mo ba, ha?!"

Subalit hindi na sumagot ang matandang Intsik at sa halip, mabilis itong bumunot ng baril at kaagad siyang pinaputukan. Pero  maswerte niyang nailagan iyon, at mabilis siyang gumanti ng putok. Inasinta niya ito sa binti dahilan upang mapaluhod ito at mabitawan ang hawak na baril. Hindi na ito nakapanlaban pa. Maging ang babaeng kasama nito ay tila natulala dahil sa matinding takot. Kaagad niyang inaresto ang mga ito at isinakay sa mobile car ng pulis kasama ng mga nahuli.

"Good job to you and to your team, Agent Tetsuya! Dahil sa iyo, isa na namang illegal club ang naipasara natin. Bukod pa roon, ay nasagip natin ang mga kababaihang ibinubugaw ng hayop na Intsik na iyon!" saad ng Hepe ng kapulisan na katuwang nila sa raid na iyon. "Please, also tell to Mr. Dominguez, that his agency is very reliable because of having a great team." Nakipagdaop-palad pa hepe kay Akihiro pagkasabi niyon.

He gladly accepted the chief's handshake. "Thank you, Chief. We're just doing our job," tugon naman niya sa hepe.

"Anyway, mauna na ako sa iyo hijo, at kailangan nang masampahan ng kaso ang mga ito at nang maikulong na," wika nito na ang tinutukoy ay ang mga dinakip.

"Okay, Chief. Take care!" sagot n'ya rito saka sumaludo.

• • •

Alas-siyete nang umaga nang makauwi si Akihiro galing DISG. Pag-doorbell niya sa pinto ng sariling condo ay bumungad sa kanya si Kiah na pawis na pawis. Bahagya ring humapit ang manipis na t-shirt nito sa katawan, dahilan para muling bumakat ang nipples nito.

Damn, Kiah! Please lang, he said in his mind while looking at the innocent girl in front of him.

Nabuhay na naman kasi ang pagkalalaki niya sa nakatutuksong tanawin na iyon. Lihim rin siyang napailing nang maalalang wala nga pala itong undies at tanging ang t-shirt at boxer shorts lamang niya ang suot nito.

Samantalang si Kiah naman ay walang kaalam-alam sa nangyayari. "Ay, Sir! Mabuti at nakauwi na kayo," nakangiting bati ni Hezekiah nang pagbuksan ang amo. Hindi naman sumagot ang lalaki kaya't sinundan na lamang niya ito ng tingin nang maupo ito sa sofa saka sumandal at pumikit.

Bakas rin sa mukha ng kanyang amo ang matinding pagod at puyat habang pinagmamasdan ni Hezekiah. Kawawa naman si Sir, mukhang pagod na pagod. Kumusta kaya ang trabaho n'ya?

"Sir, kumain na ba kayo? Nagluto ako ng almusal para sa inyo," alok pa ni Kiah sa binatang amo pagkuwan.

Dumilat naman ito pagkarinig niyon kung kaya't nahuli siya ng lalaking nakatingin. Napapahiya namang nagbaba na lang ng tingin si Kiah dahil doon. Ikaw talaga, Hezekiah! Kabastusan iyang ginagawa mo! lihim pa niyang saway sa sarili.

"I'm okay. Nag-breakfast na 'ko," wika nito pagkatapos ay hinubad ang sapatos at jacket na suot. "How are you? Ano'ng pinagkaabalahan mo habang wala ako?"

"Naglinis ako ng bahay Sir, at saka naglaba ng mga damit. Napansin ko kasing marami kayong labahin."

Iyon kasi ang usapan nila ng lalaki---ang mamasukan siya rito bilang kasambahay. Nasiyahan rin siya ng husto nang malamang mataas ang kanyang magiging suweldo, idagdag pang doon na siya pinatitira ng lalaki dahil mayroon namang bakanteng silid doon.

Bukod pa roon, ipinangako pa ng kanyang mabait na amo na tutulungan nito ang Nanay at mga kapatid niya sa probinsya. Kung kaya't para kay Kiah, talagang hulog ng langit ang lalaki dahil sa kabutihang loob nito.

"Okay, good. I'm glad na madali kang matuto sa mga itinuro ko sa'yo," anang Akihiro na ang tinutukoy ay ang pagtuturo nito kay Kiah kung paano gumamit ng mga de-kuryenteng kasangkapan. "Anyway, nakalimutan pala kitang bilhan ng personal things mo. I was too busy with work. Kung p'wede, ikaw na lang ang bumili. Kaya mo ba?"

Sandaling nag-isip si Kiah. Nagdadalawang-isip kasi siya sa ideyang iyon. Wala pa siyang isang buwan sa Maynila at hindi pa niya gaanong kabisado ang lugar, maging ang transportasyon. Isa pa, natatakot rin siyang baka makita siya ng isa sa mga tauhan ni Mr. Law. Ayaw na niya pang bumalik sa masalimuot na club na iyon.

"Okay, sasamahan na lang kita. Pero bukas na lang siguro or mamaya. I need to sleep. I'm so tired," suhestyon naman ni Akihiro. Napansin kasi niya ang pag-aalinlangan sa mukha ng babae. Marahil ay natatakot itong mag-isa dahil sa hindi magandang experience nito sa Manila. "And don't worry, Kiah. Nakakulong na ang Mr. Law na 'yon. Nasagip na din ang mga kasamahan mo kaya wala ka nang dapat pang ipag-alala."

Sa narinig ay hindi mapigilang mapatalon ni Kiah sa tuwa. Talaga namang tinupad ng lalaki ang pangako nito sa kaniya. "Maraming salamat, Sir Akihiro. Ang totoo nga'y hindi ko rin mapigilang mag-alalala para sa kanila. Mabuti na lamang at nariyan kayo," nagagalak niyang tugon matapos maalala ang mga dating kasamahan sa club.

"Ginagawa ko lang ang trabaho ko, Kiah na sa palagay ko ay tama." Tumayo na ang lalaki pagkasabi niyon. "I need to sleep. Don't disturb me, okay? 'Wag mo na rin akong gisingin para kumain. Kakain ako kapag nagutom," paalala pa nito.

"Okay, Sir."

Ilang minuto ring abalabsi Hezekiah  nang makarinig ng pag-doorbell. "May bisita kaya si Sir Akihiro? Pero wala naman siyang ibinilin sa'kin," takang tanong niya sa sarili.

Mabilis niyang tinungo ang pinto dahil muling tumunog ang doorbell, na sa pagkakataong iyon ay sunod-sunod na. Pinindot muna niya ang aparato na nag-uugnay sa labas ng pinto saka tiningan sa screen kung sino ang panauhin. At nang makitang isa itong babae ay nabuhay ang kuryosidad niya. Sino kaya siya? Nobya kaya siya ni Sir?

"Sino po kayo, Ma'am?" magalang na tanong ni Kiah sa monitor.

"What the hell?! Who are you?!" galit na sagot nito na ikinagulat niya.

Ang sungit naman! "E, Ma'am, kayo po ang---"

"Ako na, Kiah. She's my visitor."

Naputol ang sana'y sasabihin ni Kiah nang maulinigan sa kanyang likuran ang tinig ni Akihiro. Hindi na siya nakapagsalita nang ito na mismo ang magbukas sa pinto.

"Who are you, bitch? What are you doin' here?" mataray na tanong ng isang magandang babae kay Hezekiah nang tuluyang makapasok. "'Di mo ba 'ko kilala, huh?"

"Hey! Stop it, Melo. She's my maid," inis na sita naman ni Akihiro sa babae. Alam kasi n'yang inaatake na naman ito ng selos.

"Maid? Duh? I thought, ayaw mong may kasama sa bahay? Are you kiddin' me?" maarte pang sagot nito habang nakapamaywang pa sa harap ni Kiah.

Hindi naman kumibo si Kiah at nanahimik na lamang. Ngunit sa loob-loob niya, gusto niyang hilahin ang mahabang buhok nito dahil sa gaspang ng pag-uugali. Tse! Maganda nga pero kabaliktaran naman ang ugali!

Pinigil ni Aki ang tuluyang mainis kay Melody. May usapan kasi silang magpupunta ito sa condo niya ng araw na iyon, kung 'di pa nga nag-text ito na on the way na, ay hindi n'ya iyon maaalala. Ayaw rin n'yang mag-walkout ito. Ganoon kasi ang ugali ng babae kapag may hindi gusto.

He needs Melody, especially her body. Lalo ngayong nararamdaman na naman niya ang matinding pananabik sa sex. Melody is one of his flings, na hindi rin naman lingid sa kaalaman nito. Wala rin silang relasyon, pero kung minsan, daig pa nito ang girlfriend kung magselos.

"Love, I thought, you want to spend time with me?" malambing na tanong ni Aki sa babae at saka hinapit ito sa baywang nang mahigpit. Alam kasi niyang pag gan'on siya ay agad lumalambot ang babae. Hindi na rin niya alintana kung nakikita man ni Kiah iyon.

"Com'on, let's go to my room. My bed is waiting for you, love," bulong pa niya sa tenga ng babae na ikinangiti nito. Gumanti rin ito ng yapos saka hinalikan siya ng matagal sa labi.

Si Kiah naman ay nakaramdam ng hiya habang pinanonood ang mga ito. Gustuhin man niyang tumalikod at iwan ang mga ito ay hindi niya magawa. Ayaw kasi niyang magmukhang bastos. At isa pa, nalulungkot rin si Kiah nang malamang ganoon ang pag-uugali ng nobya ng kanyang mabait na amo.

Aaminin niyang bagay ang mga ito kung panlabas na anyo ang pag-uusapan. Maganda kasi ang babae. Matangkad, may magandang katawan at mukhang mayaman. Subalit ayaw lamang niya ang ugali nito, na kung tingnan siya ng babae kanina ay para bang isa lamang siyang basura.

Talagang walang nagagawa ang pera upang gamutin ang masamang pag-uugali ng tao, isip-isip ni Kiah habang palihim na pinagmamasdan ang dalawa.

"Let's go, love. I'm craving for you," bulong pa ng babae, na hindi naman nakaligtas sa pandinig ni Kiah. Magkayap pang tumalikod ang mga ito, ngunit bago pa tuluyang makalayo ang dalawa ay muli pa itong lumingon kay Kiah saka siya pinukol ng masamang tingin.

Hindi na lamang ito pinansin pa ni Kiah at ipinagpatuloy na lamang ang naantalang gawaing bahay.