Chapter 3

Hindi alam ni Diantha kung paano siya nakayanan na makasama si Icarus sa iisang sasakyan. 

Matapos ng ginawa nitong paghalik sa kanya at ng mga sinabi nito sa kanya ay trumiple pa ang kabang nararamdaman niya. 

Sa buong durasyon ng kanilang byahe patungo sa mansiyon ng mga Leventis ay walang nagsasalita sa kanila. Pareho silang tahimik. 

Mas mabuti na rin siguro na tahimik silang dalawa dahil sa tuwing nagkakausap sila ay hindi maganda ang pinatutunguhan ng kanilang usapan.

Nakapokus ang tingin ni Icarus sa daan habang inabala naman ni Diantha ang sarili sa pagtingin-tingin sa bawat nadadaanan nila.

Lihim niyang ipinagpasalamat nang marating na nila ang pribadong subdibisyon ng pamilya Leventis.

Sandaling itinigil ni Icarus ang sasakyan habang hinihintay na bumukas ang malaking tarangkahan. At nang bumukas iyon ay saka lamang muling pinaandar ni Icarus ang sasakyan. 

Maraming beses na din na nakapasok si Diantha sa subdibisyon. 

Napakalawak ng lupain ngunit dalawang magagarang bahay pa lamang ang nakatayo roon. 

Ang bahay ng pamilya Leventis at ang bahay na ipinatayo mismo ni Ashton para sa kanilang dalawa.

Itinigil ni Icarus ang sasakyan sa tapat ng isang napakalaki at magarang bahay.

Hindi na hinintay ni Diantha na pagbuksan pa siya nito ng pinto. Nauna na siyang bumaba bitbit ang kanyang bag. Sumunod naman sa kanya si Icarus.

"Hija!" 

Awtomatikong napangiti si Diantha nang makita niya si Rain Leventis, ang ina ni Ashton at Icarus, na masayang sumalubong sa kanya.

Nang makalapit ito sa kanya ay niyakap siya nito ng mahigpit bago siya nito hinalikan sa pisnge.

Mrs.Rain Leventis is already on her 50's ngunit napakaganda pa rin nito. She has a carefree and gentle face na namana ni Ashton. Maliban sa magandang mukha nito ay napakaganda din ng ugali nito. 

Noong una niya itong makilala ay inakala niyang hindi siya nito magugustuhan para kay Ashton ngunit nagkamali siya. Dahil napakainit ng pagtanggap nito sa kanya. Itinuring siya nito na parang sarili nitong anak. At dahil lumaki siyang walang ina ay naging napakasaya niya.

"Good morning po, Tita." Pagbati niya rito.

Bahagyang sumimangot ang Ginang.

"Hindi ba at sinabi ko na sa'yo na Mommy na din ang itawag mo sa akin? Ilang buwan na din lang naman at ikakasal na kayo ni Ash." Anito na tila nagtatampo.

Mahina siya tumawa. Hindi lang mukha ang namana ni Ashton sa Ginang kung hindi pati na rin ang ugali nito.

"Nakakahiya po kasi." Sagot niya rito.

"There you go again, nahihiya ka na naman." Ani Ashton na kakalabas lamang kasama ang ama nito na si Elijah.

Lumapit ito sa kanya at hinalikan siya sa labi saka nito ipinalibot ang isa nitong braso sa kanyang bewang.

Binalingan nito ang nakakatandang kapatid na nasa likuran nilang dalawa at tahimik lamang. 

"Salamat sa pagsundo kay Dian, kuya." Ani Ashton.

Tumango lamang si Icarus bilang sagot.

"Icarus." Tawag ni Elijah sa panganay nito.

"Good morning po." Pagbati ni Diantha sa Padre de Pamilya ng mga Leventis.

Tumango lamang ito sa kanya saka muling bumalik ang tingin nito kay Icarus.

"Follow me. May kailangan tayong pag-usapan." Anito at nauna nang pumasok.

Kung si Ashton ay nagmana kay Rain, kay Elijah naman nagmana si Icarus. Mula sa mukha nito hanggang sa pag-uugali ay nakuhang lahat ni Icarus.

She has the feeling na hindi talaga siya gusto nito para sa bunsong anak nito ngunit wala naman itong sinasabi sa kanya. Ngunit napakalamig ng pakikitungo nito sa kanya. Ibang-iba sa pakikitungo sa kanya ng asawa nito.

Tinanong niya na rin si Ashton sa kung ano ang opinyon ng ama nito tungkol sa kanya at sa relasyon nilang dalawa ngunit wala naman daw itong sinasabi. Dagdag pa nito, ganoon na raw talaga ang pag-uugali ng kanilang ama. 

He's really cold, just like Icarus.

Sinundan na lamang ng tingin ni Diantha si Icarus na pumasok na sa bahay at sumunod sa ama nito.

"Wag mo na silang alalahanin hija. Masasanay ka rin sa dalawang iyon. Hayaan mo at kakausapin ko ang dalawang iyon mamaya." Ani Rain Leventis.

"Naku, wag na po. Hindi naman na po kailangan. Okay lang naman po." Kaagad niyang sabi.

"Diantha's right, Mom. Hayaan mo nalang sila ni Dad at Kuya. You know that when it comes to business, wala silang pinatatagal." Sabi naman ni Ashton.

"Oh siya, hahayaan ko na ang dalawang iyon." Sumusukong saad ng Ginang.

"So, pumasok na tayo?" Anyaya ni Ashton.

Papasok na sana si Ashton kasabay si Diantha nang biglang kunin ng kanyang ina ang isang kamay ni Diantha. Napatingin si Ashton sa ina. Nakakunot ang noo nito.

Inirapan naman siya ng Ginang.

"Akin muna ang daughter-in-law ko ngayon. Magbobonding kaming dalawa." Anito saka hawak-hawak ang kamay ni Diantha na pumasok sa loob ng kanilang tahanan.

Napakamot na lamang si Ashton at umiling-iling ngunit hindi naman niya mapigilan ang sariling mapangiti habang sinusundan ng tingin ang dalawang pinaka-importanteng babae sa kanyang buhay.

"KAMUSTA nga pala ang boutique mo, hija?" Tanong ni Rain kay Diantha habang nasa kusina silang dalawa at magkatulong na nagluluto.

"Maayos naman po, Ti---"

"Mommy." Kaagad na putol nito sa kanya.

Nahihiya siyang ngumiti.

"M-mommy." She said.

Napangiti naman ang ginang when she called her Mommy.

Tinitigan siya nito na kanyang ikinailang. 

"B-bakit po?" Kinakabahan niyang tanong rito. 

Umiling si Rain. 

"Wala naman. Naisip ko lamang na napakaswerte ng anak ko at ikaw ang kanyang mapapangasawa." Biglang saad nito.

Mahinang tumawa si Diantha.

"Baliktad po ata. Ako nga po ang swerte kay Ashton. Sa dinami-rami ba naman po ng naghahabol diyan sa anak niyo eh ako pa ang napili niya." Sagot niya na ikinangiti ng ginang.

Hinarap niya ang niluluto at hinalo iyon.

Tumayo naman si Rain sa kanyang tabi habang naka-ekis ang mga braso nito sa dibdib nito.

Magkatalikuran silang dalawa.

"Nagpapasalamat nga ako at ikaw ang mapapangasawa ng bunso ko. Maganda, mabait, matalino, magalang at nagsisikap nang hindi dumedepende sa ibang tao. That's why I thought that my son is really lucky to have you." 

Hindi napigilan ni Diantha na ma-touch sa mga papuring sinabi nito.

"Sana pati ang panganay ay makahanap din ng katulad mo." Pagpapatuloy nito na nagpatigil kay Diantha sa ginagawang paghalo sa kanyang niluluto.

"Ewan ko ba sa anak kong iyon kung bakit hanggang ngayon ay hindi pa rin nag-aasawa. Nasa tamang edad naman na siya. Aba'y treinta y dos na siya. Lagpas na sa kalendaryo ang edad niya pero hindi pa rin nakakahanap ng matinong babae. Ayan at naunahan pa ng kapatid niya." 

Diantha gulped. She suddenly felt uneasy. 

"Baka naman po wala pa po talaga sa isipan niya ang pag-aasawa. Baka hindi pa po siya handa." Sagot naman niya rito habang may pilit na ngiti.

The Queen of the Leventis sighed.

"At kailan pa siya magiging handa? Pag patay na ako?" Naiinis nitong saad.

Napailing na lamang si Diantha. Humarap sa kanya si Rain.

"Siya nga pala hija, okay lang ba talaga sa'yo na ma-move ng dalawang buwan ang kasal ninyo ni Ashton?" Tanong nito.

Kumunot ang noo ni Diantha sa naging tanong ng ginang. Nakaguhit ang pagtataka sa kanyang mukha.

"Ano pong ibig ninyong sabihin?" 

Kumunot din ang noo ng ginang habang nakatingin sa kanya.

"Hindi mo pa ba alam?" Muling tanong nito na mas lalong nakapagpakunot sa kanyang noo.

"H-hindi ko po kayo maintindihan, Mommy. Ano pong sinasabi ninyo na mamo-move ang kasal namin?" 

Nanlaki ang mga mata ng ginang at natakpan ng palad nito ang nakangangang bibig nito.

"Oh my God! So, hindi mo pa alam na pupunta ng England si Ashton?" 

Tumigil si Diantha sa paghalo sa kanyang niluluto at hinarap na ang ginang. 

"Pupunta po ng England si Ashton?" Tanong niya pabalik sa ginang.

Sasagot na sana ito nang biglang pumasok sa kusina si Ashton. Pareho silang napatingin rito.

Nagtatakang tumingin si Ashton sa kanilang dalawa.

"May...problema ba?" Nakakunot ang noo nitong tanong sa kanilang dalawa.

Ilang segundo ang nagdaan bago lumapit si Rain sa anak nito. Tinapik nito ang balikat ni Ashton na naguguluhan sa inaakto ng dalawa.

"Mag-usap muna kayo." Anito saka iniwanan silang dalawa.

Tumingin si Ashton kay Diantha na malamig ang mga matang nakatitig sa kanya.

"Babe? A-anong problema?" Ashton asked as he walked closer towards Diantha na naka-ekis ang mga braso sa dibdib nito.

Ashton was already just one step closer towards Diantha nang pigilan niya ito.

"Diyan ka lang." Seryosong sabi niya.

Nagtataka man ay sumunod pa rin si Ashton.

"What's happening? Anong pinag-usapan ninyo ni Mom?" Muling tanong nito.

Diantha raised her one brow.

"Totoo ba?" Malamig niyang tanong sa fiancée.

Lalong kumunot ang noo ni Ashton.

"Ang alin?" Tanong nito pabalik.

"Totoo bang mamo-move ang kasal natin ng dalawang buwan dahil pupunta ka sa England?" 

Kita sa mukha ni Ashton ang pagkagulat. 

"Your Mom told me." Muling sabi ni Diantha.

"Babe---" 

"Bakit hindi mo sinabi sa akin?" Muling tanong niya rito.

Bumuntong-hininga ito saka lumapit sa kanya. Hindi na niya ito napigilan nang yakapin siya nito.

"Sorry na." Naglalambing nitong sabi.

Ipinatong nito ang baba nito sa kanyang balikat.

"Plano ko naman talagang sabihin sa'yo kaya lang hindi ako makahanap ng tiyempo." Pagrarason nito.

"At kailan mo planong sabihin? Pag nasa England ka na? Hindi mo man lang ba inisip ang mararamdaman ko? You changed the date of our wedding without me knowing. Baka nakakalimutan mong ako ang bride mo?" Masungit at naiinis niyang saad.

Humiwalay si Ashton sa kanya at ikinulong nito ang kanyang mukha gamit ang mga palad nito. Nasa mukha nito ang pag-aalala.

"It's not like that, babe. Sasabihin ko naman sana talaga sa'yo eh, naunahan lang talaga ako ni Mommy. I didn't mean to keep it from you." 

Hinalikan nito ang tungki ng kanyang ilong.

"Sorry babe. Sorry, sorry, sorry." Paulit-ulit nitong sabi habang paulit-ulit din na hinahalikan nito ang tungki ng kanyang ilong hanggang sa tuluyan na siyang napangiti.

Hanggang sa ang kanyang ngiti ay nauwi sa tawa nang magsimula si Ashton na kilitiin siya sa kanyang kili-kili.

Paano niya ito matitiis kung ganito ito  kalambing sa kanya? Isa pa, hindi rin naman niya ito matitiis. And she believes in him, alam niyang may matinding dahilan para kailangan nitong ipagpaliban ang kasal nila.

"Tama na! Tama na! Hahahaha." 

Hinihingal siya nang tumigil ito sa pagkiliti sa kanya.

Muli siyang niyakap nito. Sinuklian naman niya ang yakap nito. Hinalikan nito ang tuktok ng kanyang ulo.

"Ano ba ang gagawin mo sa England?" Tanong niya habang nakayakap siya rito.

Her head is on his chest habang nakapalibot ang mga braso nito sa kanyang bewang.

"Kailangan kong asikasuhin ang company namin na naka-base doon. Nagkaroon daw kasi sila ng problema and I need to be there to make sure na magiging maayos ang lahat bago pa man ang kasal natin." Paliwanag nito sa kanya.

Bumusangot ang kanyang mukha.

"Masyado namang matagal ang dalawang buwan." Reklamo niya na ikinatawa ni Ashton.

Bahagya itong dumistansya sa kanya ngunit nanatili pa rin ang isang braso nito sa kanyang bewang.

Pinisil nito ang kanyang ilong.

"Mabilis lang iyon. Baka nga hindi mo mamalayan, nakauwi na ako at ikakasal na tayo. Isa pa, kapag naman naayos na ang lahat sa kompanya, kahit wala pang dalawang buwan, uuwi na ako kaagad sa'yo." Anito habang nakangiti.

"Kailan ka aalis?" Muling tanong niya. She's still pouting.

"Next week." Sagot nito.

Nanlaki ang kanyang mga mata.

"Next week?! Next week ka na aalis at ngayon mo lang sinabi sa akin?!" Gulat at may bahid ng inis niyang sabi sa kasintahan.

"At kung hindi pa sinabi sa akin ni Mommy, hindi ko pa malalaman. Siguro wala ka talagang balak na sabihin sa akin na aalis ka, ano?!" 

"No! Ngayon ko naman talaga planong sabihin. Naunahan lang talaga ako ni Mommy. At sa tingin mo ba aalis ako nang hindi man lang nagsasabi sa'yo?" 

Mas lalo lamang siyang sumimangot. Hindi na siya nagsalita pa at niyakap na lamang muli si Ashton. 

"Basta babalik ka after two months ha?" She whispered then tightened her hug on him.

"Promise. Babalik ako after two months."

"ANO ang kailangan nating pag-usapan?" Kaagad na tanong ni Icarus sa ama nang makapasok siya sa opisina nito.

Umupo ito sa isang silya na nasa harapan ng office table nito. He lit up a tobacco at nagsimulang magsigarilyo.

Malamig ang tingin na ibinato nito sa kanya.

"Don't even try to go for that woman." Diretsong sabi ng ama habang malamig at matiim na nakatitig sa kanya.

Napangisi siya sa sinabi nito. As usual, his straight forward father. Hindi maipagkakailang sa ama niya talaga siya nagmana.

Umupo siya sa kaharap na silya nito with his legs crossed.

"You know me, Dad. I always get I want and Diantha is not an exception to that." Saad niya bago kinuha ang isang bote ng alak na nakapatong sa lamesa. Katabi ng bote ng alak ay isang baso. 

He poured some wine unto the glass. Hawak-hawak niya ang basong may lamang alak na tinitigan ang ama habang nakangisi.

Bumuga ng usok na mula sa tobacco si Elijah.

"You are fully aware that she is your brother's fiancée." 

"And? Do you really expect me to stop just because she is your favorite son's fiancée?" Balewala niyang sagot sa ama.

Ininom niya ang alak na nasa baso saka tumayo.

"If you just wanted to tell me to give up on Diantha, then you are just wasting your time, Dad. Isa pa, hindi ka na dapat magtaka kung bakit ganito ako. I am your son, after all." Iyon lamang ang sinabi niya bago lumabas sa opisina ng kanyang ama.

Muling nagbuga ng usok ng tobacco si Elijah Leventis.

"I really raised a beast just as like what everyone said." Bulong niya.