40. TRAPPED SERIES#3

[Samantha]

Isang putok ng baril ang muling pinakawaan ni Jc sa kanyang paanan kaya naman halos mapalundag siya sa sobrang gulat at takot.

Hindi niya akalain na magagawa siya nitong takutin at putukan ng baril. Sa nanlalabong mata ay wala siyang nagawa kundi ang tumayo sa kinatatayuan. Gusto man niyang tumakbo palayo rito ay hindi niya ginawa.

‘Zandro, please… iligtas mo ako!’ Sa isip niya ay hindi siya tumitigil sa kahihiling na sana ay dumating ito.

Muli ay mayro’ng nagpaputok sa kinaroroonan ni Jc. Nakita niya na ang ilang tauhan nito ay natumba, at gano’n din sa kampo ng pulisya. Sinamantala niya ang pagpapalitan ng putok ng dalawang kampo at tumakbo, subalit mayro’ng lalaking humablot sa braso niya.

“Dalhin mo ang babaeng ‘yan rito, Basilyo!“ Utos ni Jc sa tauhan nito.

Nang mahila siya ng lalaking nagngangalang Basilyo papunta kay Jc ay nilagyan siya nito ng tali sa kamay, habang ang ilang kasamahan ni Jc na napakarami ay abala sa pagganti ng putukan at pagprotekta sa kanila