CHAPTER 50

HMH-50

Halos hindi dalawin ng antok si Yanna nang gabing 'yon. Hindi maalis sa kanyang isip ang mga itinatanong ng kanyang tyahin at ang sinabi ng kanyang anak na si Natalie, na kahawig nila si Xander. Palibhasa hindi na niya iyon napagtuunan ng pansin n'on, bagama't isa iyon sa una niyang napuna rito matapos ang una nilang pagkikita noon sa isang auction habang isinasagawa niya ang isang misyon. At hindi rin siya gaanong nakaramdam ng pagkailang dito matapos siya nitong tulungan sa hotel. Kailangan nga lamang niyang itago rito ang totoong feeling sa pamamagitan ng pagsusungit dito. Isa pa ayaw naman niyang lumabas na isang cheap lalo pa at isa na siyang disgrasyadang babae. Matapos na may mamagitan sa kanila ng kung sinong lalaki noon sa isang bar, hindi na siya nag-aksaya ng panahon na alamin pa kung sino man ito. At lalo na wala siyang balak maghabol dito matapos siyang mabuntis at maanakan. Aminado naman siya na siya ang may pagkukulang sa sarili kaya nangyari 'yon.

Bumangon siya