CHAPTER TWENTY-ONE

Inunat ko ang dalawa kong braso at hinawakan ang pole gamit ang dalawa kong kamay at nag-umpisa na 'kong umikot-ikot at ang paa ko ay sumusunod lang sa pag-ikot ng aking katawan sa madulas na bakal.

Inilagay ko ang pwersa ko sa aking mga braso at sa bandang pulsuhan sabay inangat ko ang katawan ko kaya kasalukuyan na 'kong nakabaliktad habang ang dalawang binti ko ay nakapulupot sa matigas na pole bilang suporta para hindi sumubsob ang mukha ko sa sahig.

Nanatili ako sa ganitong pwesto nang ilang segundo sabay bitaw ng isa kong kamay at binti, parang isa akong paru-paro na ang kalahati ng pakpak ay nakaipit sa sanga.

Umikot-ikot ako sa ganitong posisyon habang tila dinadama ko ang bawat pag-unat ng aking katawan. Ang sarap sa pakiramdam.

Ilang sandali pa ay umayos ako ng pwesto paulo na hanggang sa tumungo ako sa taas ng pole habang binti lang ang suporta sabay iniunat kong muli ang aking balingkinitan katawan at umikot-ikot ako pababa.

"Wala pa ring kupas!" puri sa 'kin ni Paul na ma