CHAPTER FIVE

"I think I have to go." Nakangiti kong paalam at agad na tumayo sabay kinuha ko ang Channel bag ko.

"Aalis ka na agad? Halos hindi mo nagalaw ang pagkain mo?" tanong ni Charley upang pigilan ako sa agad kong pag-alis.

"I lost my appetite, ayoko nang magtagal Mr. Charley, kung makatingin kasi iyang anak mo parang ako iyung gusto niyang kainin," sagot ko na ikinalaglag ng panga nila. Parang gusto ko tuloy bumalinghawit ng tawa.

"You... " saad ni Stefan habang naniningkit ang mga matang nakatingin sa 'kin na tila tinatantya ako.

"I'm just kidding," bawi ko sa sinabi ko sabay pahaplos kong hinawakan ang balikat niya.

Kahit na hindi niya ipahalata, naramdaman ko ang naging reaksyon niya dulot ng pag-hawak ko sa kanya.

"Don't touch me," angil niya sa 'kin ngunit nginisihan ko lang siya at mas inilapit ko ang sarili ko sa kasalukuyan niyang nakaupong pigura.

"I'm sorry, allergic ka nga pala sa mga magaganda," pangaasar ko pa at saka ko binalingan muli si Charley na mataman lang kaming pinapanuod.

"Mr. Charley, thank you for inviting me to join you, but I really have to go," saad ko sa kanya na ikinatango niya na may kasamang banayad na ngiti.

"You are always welcome, if you're free let's have lunch or dinner together," paanyaya nito sa akin na ikinalaki ng mata ni Stefan at hindi makapaniwalang tiningnan ang ama niya.

"Dad! Are you insane?" saad ni Stefan kay Charley na may kalakasan ang boses kaya pinagtinginan kami ng mga taong naririto.

"What's wrong? I want to know her more? Five years naman na wala ang Mommy mo, siguro naman ay hindi na kalabisan ang kumilala ng babaeng gaya ni Ruby?" tanong ni Charley sa anak na may kasamang pangangatwiran.

Tinamaan na ng alindog ko ang lintek.

Lihim akong napangisi...

"Ika nga nila, age doesn't matter, bakit mo ipagkakait sa Daddy mo ang kaligayahan matagal niya nang hindi nararamdaman?" singit na panggagatong ko.

"Shut up, woman!" bulyaw sa 'kin ni Stefan.

Kung si Stefan ay nanggagalati sa mga oras na ito, kabaliktaran naman si Charley, parang kusang nangingislap ang kanyang mga mata dahil sa sinabi ko.

"But, you know what Mr. Charley, I think your son is right, the idea of having a date with you is kind a inappropriate," saad ko na may pekeng himig ng lungkot sa boses na ikinadilim ng mukha ni Charley at saka binalingan si Stefan.

"Don't interfere, Stefan," banta ni Charley sa anak kaya sinamaan ako nito ng tingin.

"You will regret this, for entertaining her," saad ni Stefan at marahas na tumayo at padabog na lumabas ng restaurant.

Naiwan kaming dalawa ni Charley at kita kong lumambot ang ekspresyon niya sa pag-alis ng anak.

"I'm sorry about that," hinging paunmanhin niya sabay pinag-saklob ang dalawang palad.

"Palagi ka na lang nag-so-sorry, hindi naman ikaw ang may kasalanan," saad ko at seryoso ko siyang tiningnan.

"Because he's my son, but I can't help myself, I'm mesmerized by your beauty. Since I saw you at the party, I couldn't sleep, even in the morning, I daydream of you," paghahayag ni Charley.

Naupo akong muli sa silya at pinakatitigan ko siyang mabuti, sa loob-loob ko, lihim akong nagdidiwang dahil ang dali ko lang nakuha ang loob niya.

"So, do you really like me?" tanong ko.

"It's freaking obvious, sweety," tila nahihiya pang sagot niya na ikinatawa ko ng pagak. He's blushing at his age.

Pero kung titingnan sa edad niyang 52, he looks five years younger, may asim pa rin. Matanda siyang version ni Stefan, parehas silang mayroong kakisigang taglay na hindi maipagkakaila. Para lang silang mag-kuya kapag nagdikit.

"Ang kaso lang... hindi ako ganu'n kadaling makuha... " saad ko sa mapanukso kong tinig habang nakadukwang sa harap niya.

Kita ko ang mga mata niyang hayagang nakatutok sa gitnang hiwa dibdib ko, kaya lumawak ang ngisi ko.

"If you want to touch it then, you have to work hard for it," naghahamon kong kondisyon.

"You're playing hard to get, huh?" saad niya at unti-unting ngumisi na tila naaaliw siya sa 'kin.

"Of course, a man who can afford me, ay siya lang ang makaka-angkin sa 'kin, let's say this is a game of bet," saad ko sa maharot kong boses.

"I don't need to bet my money, just name your price, and be my woman," diretsuhang niyang saad na wala nang patumpik-tumpik pa.

Mas lumawak ang pagkakangisi ko sabay dahan-dahan akong sumandal sa sandalan ng silya habang hindi ko inaalis ang tingin ko sa kanya at nag-crossed arm na parang parehas kaming nagbabasahan ng iniisip ng isa't isa.

"Kaya mo kaya ang halaga ko?" naghahamon kong tanong na ikinangisi niya pa lalo sabay nag-labas ng cheke mula sa isang maliit na itim na pouch bag at saka iniabot sa akin.

"Write down your price, then warm my bed," utos niya sa mapang-angking tinig.

Napataas ang isang kilay ko, at napa-hugis O ang bibig ko dahil sa agresibo niyang aksyon na kahit inaasahan ko nang mangyayari ito.

Akalain mo nga naman... Ang mag-aamang Solevan, nabihag sa alindog ko, this will be such an exciting.

Umpisa sa bunsong si Harley, ang ama nilang si Charley na nag-uumpisa mabaliw sa 'kin at huling-huli si Stefan, na kahit hindi niya man aminin, kita ang lihim niyang pagnanasa sa 'kin base sa paraan kung paano niya 'ko tingnan.

"Ang kaso, hindi pera ang tinitukoy ko," saad ko sabay itinulak ko ng daliri ang blangkong cheke pabalik sa kanya na ikinakunot ng noo niya at naguguluhan niya 'kong tiningnan.

"I don't get it," kunot noo niyang saad habang nilaro-laro ko lang ang buhok ko at kita kong pilit niyang inintindi kung anong gusto ko.

"Court me," utas ko na ikinabigla niya.

"Court you?" hindi makaniwalang bulalas niya dahil ang inaasahan niya ay pera lang ang katumbas ko.

Kung papayag ako sa pera, masiyadong magiging mabilis, at magkakaroon siya ng pagkakataong gawan ako ng bagay na hindi ko naman hahayaang gawin niya. Kaya, I have to think wise, dahil once na magkamali ako ng hakbang, yari ako.

"Muka lang akong madaling makuha, but I'm a fan of romance, kaya nga ang sabi ko kanina, if you want to touch me, then work hard for it," saad ko na ikinabigla niya.

"I'm literally surprised," manghang saad niya at unti-unti nang bumalik ang magiliw niyang eskpresyon.

"I told you," taas kilay kong saad sabay inom ng kape kong lumamig na.

"So, I'm going to start sending you flowers?" kimi niyang tanong na ikinatawa ko ng pagak.

"Seriously? You're asking me?" biro ko kaya napakamot siya sa ulo.

Nakikita ko sa kanya ang bunso niyang anak na si Harley, sa paraan niya ng mga kilos at pananalita, pero hindi sila magka-mukha, si Stefan ang xerox copy niya, gwapo at very appealing.

Lahat naman sila may maipagmamalaki. At sa katanuyan nga p'wede pang makakuha ng teenager ang may edad na lalaking 'to.

Kung hindi lang malaki ang atraso mo sa pamilya ko Charley, baka p'wede pa kong maging mabait sa 'yo. Pero likas ka nang masamang tao, at isa kang mapag-panggap na animal ka.

"Nakalimutan ko na kung paano manligaw sa edad kong 'to, because I used to use money if I wanted a woman to warm me," prangka niyang saad na hindi ko na ikinagulat.

Sa itsura naman kasi nilang mag-aama, babae na talaga ang kusang lalapit ang magpapayad pero iba ako, I'm far from being a whore.

"So, if you don't want to court me then, this will be our last conversation," seryosong saad ko at tumayo na para sana umalis na ngunit maagap niya 'kong pinigilan at hinawakan sa braso.

Ramdam ko ang diin ng pagkakahawak niya, ngunit hindi naman masakit, sapat lang para hindi ako makawala.

"Tell me your address, and I will fetch you tomorrow," seryoso niyang saad habang matamang nakatingin sa 'kin.

"Alamin mo kung saan ako nakatira, I won't tell you," pag-iinarte ko sabay kunwari mataray na umirap.

"You are now playing the role of being pakipot, huh? Be thankful that you are so beautiful, kung hindi, I will not do this," saad niya na parang isa talagang challenge ito para sa kanya na ikinahagikgik ko.

"I'm not forcing you to court me, it's still your choice not to," saad ko ngunit ngumiti lamang siya.

"Ngayon lang ako nakakilala ng babaeng kagaya mo na mukang game sa kama pero hindi pala," diretsuhang saad niya na ikinangisi ko.

Lumapit ako sa kanya at itinapat ko ang bibig ko sa tainga niya.

"Hindi ako pumapatol kung kani-kanino lang, pumipili ako," bulong ko at saka ako lumayo at umayos ng tayo.

"You're making me turn on, ika nga nila mas masarap ang isang epesyal na putahe kapag pinaglalaanan ng mahabang oras," saad niya na may ibig ipakahulugan.

"I agree, hindi masarap kapag minamadali," saad ko na sinangayunan niya.

"You're so naughty," biro niya.

"This naughtiness will make you go crazy," saad ko sa mapangakit 'kong boses sabay dukwang ko sa kanya at kita ko ang pigil niyang reaksyon.

"Ngayon pa lang binabaliw mo na 'ko, I will make sure na sa 'kin ka babagsak," hayagan niyang sambit na ikinalawak ng ngisi ko.

"Bring it on," saad ko na may paghahamon.