SWEET BUT SAVAGE

HELGA POV:

Nagbayad pa nga ako sa dati nilang kasambahay kung ano ang mga ayaw ni Craig sa lahat ng bagay. Pagkain, kulay, damit, panahon at higit sa lahat, ano ang turn-off para sa kanya pagdating sa isang babae?

Ginawa ko ang mahabang listahan at halos nangangalahati na ako pero mas lalo siyang naadik sa pang aasar sa akin.

Kung halik lang, maraming gagawa niyon sa kanya. Libre pa. Taas ang kamay at paa at maraming tatalon ss bangin mabiyayaan lang niya.

Si Craig ang hndi purong Pinoy ang genes. May lahing Italyano ang dad niya. At matangkad na mestiza at may lahing kastila ang mama niya, si Celeste.

Si Celeste na galit na galit sa akin sa hindi ko malamang dahilan.

Hindi ko naman hinaharot ang anak nito. Si Craig ang bumubuntot sa akin.

Ewan ko sa mundo. Alikabok lang daw tayo pero yong bigat ng mga pagsubok at problema, mahihiya si Atlas na pasan ang buong mundo.

6:00 PM sa phone ko, tumawag ako kay Craig habang nagpapatay ng oras sa Twin-Combs. Sikat na parlor para sa mga dukha dito sa San Luis. May pribadong silid para sa make up room. “7:00 PM, dito sa Twin-Combs.” Ini-off ko agad ang phone kahit na lumabas akong bastos.

Tatapusin ko na talaga ngayong gabi, itotodo ko na. Nilalaro ko rin sa isip ang turn-off sa isang lalaki at pinaka deal-breaker para sa isang Craig Alastair. Siya ang biktima ngayong gabi.

Hindi ako.

Um-order ako ng smoothie at nagtaas ng paa sa ottoman. Hinubad ko ang sapatos ko at nagpa-antok ako dahil may 55 minutes pa ako bago sumabak sa giyera.

Kadalasan at kaugalian na dito sa amin na kapag alas singko ng hapon–tagayan na. Kaya posibleng alas sais marami na ang lasing sa bakuran ni Craig. Alas siete ng gabi, marami nang nakauwi. Busog na sa alak ang mga lalaking bigay todo magtagay ng tuba, lambanog at mga mamahaling alak.

Maiiwan yong alam ang halaga ng kapasidad ng atay nila. Paunti-unti uminom, alalay, in moderation at kwentuhan lang ang habol sa mga kausap.

Tiyak na magpapaiwan rin ang mga kababaihang namamahala sa okasyon. At hindi mawawalan ng mga babaing nagpapanggap na kaibigan ni Craig para tirahin ako ng patalikod.

Lalo na ang mga mata at human CCTV na bayaran ng nanay niya.

Ano ang masaya sa party?

Lintek.

Itinaas ko sa sofa ang dalawang paa ko. Nalilis ang malambot na satin dress at naipon sa puno ng hita ko, masisilip ang panty ko. Black lace panty na pinag ipunan ko pa sa bihirang okasyon na gaya nito.

Isinubo ko uli ang straw at pumikit ako, nakatingala sa headrest. Kampante dahil kung parating na si Craig, titili ang bakla at sapat na yon na alarm.

Nagpaalam na agad si Cassie dahil palagi siyang hinahanap sa bar matapos akong samahan sa friends niya.

“Hey,” narinig ko ang baritono at pamilyar na tinig na yon na parang kay Craig pero hindi ako tuminag. “Mag usap tayo, please.”

Muntik na akong mapasigaw sa pagkagulat. Bukas ba ang pinto?

Totoong narito siya at nakaluhod na sa harapan ko ang isang tuhod. Hinihingal pa nga at parang galit. May dugo sa sulok ng labi at mukhang nakipag away.

Na naman!

Ordinaryong t-shirt lang din ang suot niya at hindi colar-shirt na kadalasang outfit niya kapag may okasyon.

Awtomatikong umayos ako nang upo. Ibinaba ko sa flooring ang mga paa ko at hinila ko ang tela ng damit ko at inipit ko sa pagitan ng mga tuhod. “A-Anong ginagawa mo dito?” Nagpalinga-linga ako. Bakit wala yatang baklitang tumili at nagta-tumbling sa labas dahil narito na siya. “Nasaan ang mga kasama ko? Bakit ang aga mo?”

Dumiin ang kamay niya sa batok, kaswal na dumapo ang kamay sa armrest ng upuan ko. “Tinawagan ko si Kate,” Carmensito ang tunay na pangalan, isa sa kambal na bading na may ari ng parlor, “ang sabi ko susunduin kita kaya paalisin muna ang mga bantay dahil nagkaproblema sa bahay at ayokong may makakita sa atin baka madamay sila.”

Umigkas ako sa upuan. Wala akong pakialam sa kahit anong dahilan!

Alas siete ang usapan!

“Labas,” itinuro ko ang pinto. Kailangan ko ng katahimikan at me time bago makipaglaro sa kanya tapos sisirain niya ang schedule! Alam ba niya kung gaano katagal ang charging time na kailangan ko para may energy ako na harapin ang lahat ng mga bagay na ikinatutuwa niya? “Lumabas ka at alas siete en punto ka pumasok!”

Umunat siya at pumantay sa akin sa pagkakaupo. At nakita kong napalunok siya nang mapatitig sa mukha ko. Naka-make up ako at makapal. Gusto kong masuka siya sa akin ngayon. Pinahaba din ang eyelashes ko gaya ng mga Drag Queens at medyo bongga ang hair do ko, maistilo sa isang modern bun style para agaw pansin tutal gusto niya ng atensyon. At sinadya ko ang damit na ito para akitin ang mga barkada niya. Gusto kong maging babaing pangkama ngayong gabi at mukhang epektibo naman base sa reaksyon ni Craig.

Namula siya. Kumalat sa tenga at parang hirap na hirap huminga.

Posibleng yong tabas ng damit ko. Satin, matayog ang bra na medyo pointed sa tapat ng nipples. Ngayon lang siguro siya nakakita ng dibdib na halos masusukat na ng mata ang saktong size. Alam ko rin na gusto niya ng dalagang Pilipina na maipagmamalaki ng angkan niya.

Kagalang-galang.

Respetado.

At ako yon ngayon sa kabaliktaran—yong nakakasukang version ng babae sa party na ginagastusan niya taon-taon. Matingkad na pula pa naman ang dress ko dahil sinadya ko. Panlaban ng mga prostitute sa dance floor sa paningin ng mga tao dito.

Yong hindi puwedeng iharap sa madla dahil malayo sa tradisyonal na babaing taga Quezon na simpleng t-shirt at pantalon lang, puede na sa party.

Kapag nagsuot ka ng gown dito, wedding events na yon o political gatherings.

Hinila niya ako sa kamay sa halip na sumagot. Kinarga ako sa balikat na parang kalahating sako ng bigas. Walang pakialam kung nagsisisigaw ako at bitbit ko sa kamay ang 2 inches heels na sapatos.