FIFTY-SEVEN

NIKKI'S POV

"Kanina ka pa tahimik, may problema ba?" nag-aalalang tanong ni Gale sa akin.

Kasalukuyan kaming nasa sasakyan at bumibiyahe pauwi ng bahay. Bumalik sa isipan ko ang nangyari kanina. Pagkatapos kong bitawan ang mga salitang iyon ay nagpupuyos na lumabas si Tita Graciella sa opisina ko. Hindi ko alam kung naintindihan niya ba ang punto ko, pero totoo sa loob ko ang lahat ng sinabi ko.

Naalala ko 'yong panahon na sobra rin akong nagalit dahil sa ginawa ni Vonn. Naalala ko 'yong panahon na halos isumpa ko ang mga lalaki at pinangako ko sa sarili ko na hinding-hindi na ulit ako iibig. Pero iba pala ang plano ng Diyos. Dahil sa kabila ng lahat ng sakit na pinagdaanan ko, itinuro niya pa rin ako sa taong magmamahal sa akin ng totoo.

Nilingon ko si Gale, at tahimik akong nagpasalamat sa Panginoon dahil dinala niya ako sa kanya.

"Wala naman. Kanina, nagpunta ang Mommy mo sa opisina," panimula ko.

Saglit siyang lumingon sa akin, bakas ang pag-aalala sa kanyang mukha.

"What did she d