The Fight

“S-sino ka ba? Bakit kilala mo kami?” tanong ko sa babaeng hawak na si Sera sa kamay. Hindi rin naman sumagot si Liset sa tanong ko kaya dinerekta ko na ang babae.

“Huh! Are you serious for asking me that, Selene?” baling niya sa akin.

“C’mon, Selene hahanapin na tayo ni Kuya.” hinawakan ni Liset ang braso ko’t pilit na iginigiya paalis.

“No, wait. Kilala niya ako, Liset. Baka may gusto siyang sabihin sa akin,” sabi ko naman. After ng accident ko’t nawalan na nga ako ng alaala tungkol sa nakaraan, baka sakali na mayro’n siyang maikwento tungkol sa akin. Malay ko ba kung sino siya, baka kaibigan ko rin siya noon.

“Hindi, sis, ako ang magk-kwento sa ‘yo kung ano man ang gusto mo. Halika na.” Idiniin niya pa ang pagkakabigkas sa ‘halika na’ na para bang atat na atat talaga siyang makaalis na kami roon.

“Pati ba naman ikaw?” protesta ko pa.

“She’s right, Selene, don’t waste your time to know about me. Ayaw ko rin naman na makalapit ka sa akin o sa pamilya ko. Bakit ka pa kasi bumal