NOODLE SOUP

ALAS SAIS pa lang ng umaga ay gising na si Cougar. Makikipagkita kasi siya kay General Gallego at nabanggit na rin niya kay Adrielle kagabi na may pupuntahan siya ngayong umaga. Pumayag naman ang babae kaya pagsapit ng alas siyete ay nakagayak na siya. Nine o'clock ang usapan nila ng dating deputy director na magkita sa isang restaurant sa Quezon City at nagpasya siyang magcommute na lang. Alam niyang maraming galamay ang mga Guerrero sa Manila kaya ayaw niyang makipagsapalaran. Tiyak niyang may ilan sa mga ito ay kilala ang sasakyan ni Adrielle.

Mula sa Recto ay sumakay si Cougar sa isang taxi cab patungo sa Quezon City kung saan sila magkikita ni Genera Gallego. Hindi naman gaanong matraffic palibhasa weekdays bukod pa sa paunti-unti na ring umaayos ang problema sa traffic sa lungsod. Bago sumapit ang alas nuebe ay naroon na siya sa restaurant pero napa-iling na lang si Cougar nang makitang naghihintay na sa kanya ang dating deputy director. Kagaya nang una silang magkita noon sa Ca