Chapter 27

HINDI NA NAMIN namalayan ni Damon na umabot na kami ng three months.

Grabe lang. Hindi pa rin ako makapaniwala na talagang akin na siya at sa kaniya lang ako. Sa mga nakalipas na monthsary namin, kung ano-ano ang mga ginawang sorpresa sa 'kin ni Damon na nakabase sa mga nase-search niya. Andiyan 'yong kinontiyaba niya 'yong mga customers namin para i-surprise ako sa oras ng trabaho ko. Pati 'yong paglalagay niya ng wax figure sa kuwarto ko noong monthsary namin last month! Gulat na gulat ako paggising ko kasi katabi ko na 'yong wax figure at 'yong loko-loko tawa nang tawa habang nagvi-video. Kasama niya nga si Jeanne at lagi nila akong inaasar na dalawa. Ito kasi si Jeanne kinuwento kay Damon 'yong mga pinaggagawa ko pero hindi ko na kinuwento na nagbigay ako ng letter sa guard sa hospital kung saan siya dinala noong naaksidente siya.