CHAPTER 41

Marahan ang ginagawang paghakbang ni Fiona palapit sa sasakyang naghihintay sa kanya. Mistula bang kay bigat ng kanyang mga paa dahilan para maging mabagal ang kanyang paglalakad.

Kasalukuyan na siyang nasa may Dalahican Port at kakadaong lang ng barkong sinakyan niya mula sa Balanacan, Marinduque. Fiona took the earliest trip from Marinduque to Manila. Kasama niya at nagsilbing escort sa biyahe ang isa sa mga awtoridad na nagmula pa sa Ihatub, yaong rumesponde sa kanila kagabi.

Hindi niya pa sana nais na umalis ng naturang probinsiya. Nais niya pang manatili at makaharap muli si Randall para kausapin. Ang daming bagay na kailangan nilang linawin sa pagitan nilang dalawa ng binata.

Iyon ang isa sa mga dahilan kung bakit mabigat sa kanyang dibdib ang paglalakad ngayon. Wari bang gusto niyang bumalik sa pier at bumili ulit ng ticket patungong Marinduque.

Ngunit naging mariin ang desisyon ng kanyang Uncle Ronniel nang makausap niya ito sa cell phone kaninang madaling-araw. Tumawag ito sa