Chapter 40

UPSET

Nakaabang si Mari sa labas ng kanyang bahay habang hinihintay na iuwi ni Vincent ang anak niya. Halos hindi siya makapaniwala na ang lalaki nga talaga ang nakakita sa anak niya. Kung paano nakilala ni Vincent si Kreios, yun ang hindi niya alam. Posibleng si Isaac o si Tristan ang nagsabi dito.

Hindi nagtagal ay pumarada na sa harapan ng kanyang apartment ang isang makinab at magarang sasakyan. Pinagsiklop niya ang kanyang kamay habang hinihintay na bumaba ang sakay nito.

Unang lumabas si Vincent mula sa driver's seat. Napahawak siya sa kanyang dibdib. Wala paring pinagbago ang lalaki. Sobrang gwapo parin nito, walang ring pinagbago ang mabilis na tibok ng puso niya. Umikot ito sa kabilang bahagi ng kotse at maya maya lang, naglakad na ito palapit sa kanya karga ang tulog niyang anak.

Alanganin man siya lalo na ng makita ang malamig nitong ekspresyon, sinalubong parin niya ang lalaki.

"Just open the door. Ako na ang magdadala sa kanya sa loob," ani Vincent nang magkaharap na sila