Chapter 54 - Danger

Nanginginig ang mga kamay at tuhod ni Serenity dahil sa takot sa kan’yang narinig. Hindi niya inaasahan ang sasambulat sa kan’ya na katotohanan lalo na at ang buong akala niya ay kakampi niya si Tristan. But once again, everything is just a lie. Isa na naman na kasinungalingan na pilit na pinapaniwala sa kan’ya.

Nangangatal siya na bumalik sa kama habang unti-unti na rin na pumapatak ang kan'yang luha. Lalabas sana siya ng silid nang maulinigan niya ang boses ng isang babae na kausap ni Tristan. Ayaw sana niya na pakinggan ang usapan pero parang may nagpipilit sa kan'ya na marinig iyon. At ang mga impormasyon na nalaman niya ay sapat na para bigyan siya ng halo-halo na emosyon na naman.

Walang mga salita ang sasapat upang maipaliwanag ang sakit na nararamdaman ng kalooban niya sa ngayon. Walang sapat na paliwanag ang maaari na sabihin sa kan’ya para maintindihan niya ang sitwasyon niya. She has been betrayed; she has been deceived; and she has been hurt not just once but many times.