Chapter IV

Third Person's POV

"YARA!" malakas na sambit ni Jill, ang matalik na kaibigan at manager ng aktres. "Hintayin mo ko! Ang laki naman kasi ng bakuran na 'to!"

Natawa si Yara. "Kaya nga mansion ang tawag."

"Nasaan na ba si Ledger? Pababa na ba o tulog pa?"

"He texted me. He's taking his shower." Sinuot ni Yara ang apron. "Do I look pretty?"

"Oo naman! Kaya nga in demand kang artista, eh!" Dinanggil nito ang balikat ng kaibigan. "At ang rason kung bakit nahulog sa'yo ang isang Ledger Gilbert."

Impit na tumili si Yara. "I didn't expect na magkakagusto siya sa akin."

"Hanggang ngayon hindi mo pa sinasabi kung ano na ang status niyo."

"Next time na lang," ngiti niya, kinikilig. "Teka, nasaan si Elias?"

"Ayun, oh!"

Nasa gitna ng damuhan si Elias at nakapalibot sa kaniya ang malalaking palanggana kung saan nilalabhan niya ang puting kurtina. Napaliligiran din siya ng mga katulong ng Gilbert Clan, pawang kinikilig sa binata.

"Grabe," natatawang anas ni Yara. "Iba talaga ang hatak ng kagwapuhan ng kaibigan natin."

"Kung pera nga lang ang kapalit ng bilang ng mga babaeng umaaligid sa kaniya, malamang mayaman na siya."

"At hindi ko akalain na kasama sa part-time job niya ang pagiging house boy rito sa Gilbert mansion."

"Todo kayod siya, bes. Alam mo namang bread winner 'yan."

"May trabaho naman 'yong kano niyang tatay, 'di ba?"

"Oo, sa fish port yata."

"Dapat nag-artista na lang din siya. Ganyan ang mukhang hinahanap ng talent agents."

"Naku, pinilit ko na 'yan kaso ayaw. Mas mahal niya raw si Lord."

Nagkatinginan sila at sabay na tumawa. Nahinto rin sila nang makita ang isang babaeng lumabas sa pintong nasa gilid.

"Who's that?" Napanganga si Jill sa sobrang pagkamangha. "Ang ganda niya. Para siyang model."

"Tatiana Rae Gilbert, stepsister ni Ledger. She's the heiress of Gil Group of Companies but she became a rebel and decided to live in France."

"Seryoso?!" Namilog ang mata nito. "Pinagpalit niya ang yaman sa pagrerebelde?"

"That's what Ledger told me." Tumaas ang kilay niya. "And now, she's back. Tingin ni Ledger, babawiin ni Tatiana ang lahat."

"Wait, siya ba 'yong nabalita noong nakaraan? Iyong nagtrending din sa social media?"

"Siya nga."

"Grabe!" Hindi niya maalis ang tingin sa dalaga. "She's pretty and savage. Bet na bet ko ang comeback niya."

"Ano ka ba? Kontrabida 'yan. At tingin ko kaya nandito 'yan, para sirain kaming dalawa ni Ledger."

"Paano ka naman nakasisiguro? Ngayon mo lang siya nakilala."

"Never pang nagkamali ang instinct ko."

"Wow." Kinusot ni Jill ang mata at muling tumitig. "Ang haba ng hair niya, lagpas sa bewang. Saan kaya siya nagpapasalon?"

"Tingin mo anong eksaktong kulay ng hair niya? Bagay rin kaya sa akin 'yon?"

"Kunware ka pa eh, nagagandahan ka rin sa kaniya," tawa ni Jill. "I think it's havana brown. Ganyan ang buhok ng mga French at Latina."

"Tara," nakangiwing yaya ni Yara.

"Saan tayo pupunta?"

"Ikukuha kita ng palanggana para sa laway mong kanina pa tumutulo."

Wala nang nagawa si Jill kundi sumunod kay Yara hanggang marating ang kinalulugaran ng kaibigan.

"Elias," tawag ni Yara at kinumpas ang kamay. "Halika."

Nagtataka man ay naghugas ng kamay si Elias at lumapit sa kaibigan. "Bakit?"

"See her?" Tinuro ni Yara si Tatiana na kinakausap ang isang maid. "Pigilan mo siyang makalapit sa akin."

Nangunot ang noo ni Elias. "Bakit naman?"

"Kung gusto mong umusad ang love life ko, sundin mo na lang ako."

"May bayad ba 'yan?"

"Mukha ka talagang pera."

Kumamot siya sa ulo. "Nangangailangan lang."

"Oo nga naman," natatawang sabat ni Jill. "500, pwede na ba?"

"Ang laki naman no'n?" angil ni Yara. "300 lang."

"400," ngiti ni Elias. "Huling tawad."

Dumukot si Yara sa bulsa at binigay ang pera sa kaibigan.

"Make sure na hindi talaga siya makakaistorbo sa amin ni Ledger."

"Sige."

Tatiana Rae's POV

"WHAT's the real score between Ledger and Yara?" I asked. "Don't ever lie to me. At 'wag mong susubukan magsumbong kay Barbara dahil alam ko kung magkano ang sweldo mo."

Napayuko ang maid. "'Wag po, Ma'am. Marami pa po akong pinapakain sa pamilya ko."

"Sinabi ko lang na alam ko kung magkano ang sweldo mo. Hindi kita sisisantihin." Napabuntong-hininga ako. "Now, answer me."

"Base po sa pagkakarinig ko, nanliligaw raw po si Sir Ledger kay Ma'am Yara."

Mapakla akong natawa. Kailan pa natutong manligaw ang kalahating kapatid ko na 'yon? Sa pagkakatanda ko, babae ang lumalapit sa kaniya dahil bukod sa may ibubuga ang itsura, mayaman pa. Anong nangyari ngayon? Epekto ba 'yon ng pagdalo niya sa church activities na dinadaluhan din ni Yara? Nabahiran ng kabutihan ang budhi? Ngumiwi ako. Imposible.

"Thanks." Tinapik ko ang balikat niya. "May bonus ka sa akin mamaya."

"Maraming salamat po, Ma'am."

Lalong tumaas ang kilay ko nang masilayan kung paanong lumapit sa isa't isa sina Ledger at Yara. Parehas pa silang nakangiti habang nag-uusap.

Hinanda ko ang sarili at tumungo sa kanila. Limang hakbang pa lang ang nagagawa ko nang humarang sa akin si Elias.

"Tulungan mo ko." Tinaas niya ang hawak na palanggana. "Masyadong mahaba 'yong kurtina, eh."

"Naririnig mo ba 'yang sinasabi mo?"

"Marunong ka pa lang magsalita ng Tagalog. Akala ko hindi."

"I'm busy. Step aside."

Umiling siya. "Tulungan mo na ko, please."

"Marami akong nakitang maids d'yan na kasama mo kanina. Sa kanila ka magpatulong."

"Pinatawag na sila ni Ma'am Barbara sa loob."

Sinulyapan ko ang dalawa at nag-uusap pa rin sila. Kailangan ko silang paghiwalayin.

"Kaya mo na 'yan. Lalaki ka naman." Muli akong humakbang ngunit lalo pa siyang humarang. "What?"

"Tulungan mo na kasi ako. At ang mga matulungin, pinagpapala ni Lord."

"Bakit ba ikaw ang gumagawa niyan? Parte ba 'yan ng pagiging house boy?"

"Absent daw 'yong labandera niyo. Nagprisinta akong pumalit muna kaya ako gumagawa."

"Then it's not my problem," iritableng asik ko. "Tumabi ka r'yan, Elias."

"Isang kurtina lang. Kailangan ko na talagang isampay 'to, eh."

Muli kong tinignan sina Ledger at Yara, masaya pa rin silang nag-uusap saka ko binalik ang atensyon kay Elias.

"Make it fast."

Ngumiti siya. "Salamat."

Nilapag niya ang palanggana at kinuha ang isang kurtina. Tama nga siya na mahaba 'yon. Kailangan talagang dalawang tao ang magtutulong para palipitan. Bakit naman kasi ganito ang biniling kurtina ni Barbara? Religious na rin ba siya? Pangsimbahan 'to, eh.

"Pakihawak 'yong dulo," aniya pa.

Tinaliman ko muna siya ng tingin bago sinunod ang kaniyang sinabi. Naglayo kami hanggang mapunta sa pagitan namin ang kurtina. Naghatakan pa kami bago pagpagin 'yon. Napaiwas ako nang mabasa ang mukha ko. Pero ayos lang, wala naman akong make up. 'Di tulad ni Barbara na nasa bahay nga lang, todo make up pa.

Sa muling pagpag ng kurtina ay hindi inaasahang maglalapit kami ni Elias. Ilang dangkal lang ang espasyo sa pagitan ng mukha namin. Ngumiwi ako saka lumayo at pasimpleng sinulyapan ang dalawa.

Ano bang pinag-uusapan nila? Noli Me Tangere ni Dr. Jose Rizal? Parang nobela sa haba.

Nagulat ako nang malakas na ipagpag ni Elias ang kurtina at hinatak pa dahilan para mapalapit kami ulit sa isa't isa. Muntik pa siyang matumba ngunit agad niya akong nahawakan sa magkabilang braso para kumuha roon ng suporta.

Nangunot ang noo ko kung gaano kalapit ang mukha namin. "Bakit ang hina mo naman?"

"Sinadya ko talagang maging mahina." Ngumiti siya. "Para sa'yo."

Ngumiwi ako at inagaw ang kurtina sa kaniya. Isang hagis ko lang ay maayos na 'yong nakasampay.

"Kuha mo?"

"Wow." Namilog ang bibig niya sa gulat. "Ang galing mo naman. Dati ka bang labandera?"

Sinamaan ko siya ng tingin. "Wala akong oras para makipaglaro sa'yo."

"Sorry. Galit ka?"

Ako naman ang nagulat kung gaano nagsusumamo ang mukha niya.

"You got some problems." Problem in his kind face.

Tumango siya. "Marami."

Napailing na lang ako at nilagpasan siya. Pagtingin ko sa kinalulugaran nina Ledger at Yara ay wala na sila roon! Darn. Kasalanan 'to ng house boy na 'yon. Nilingon ko si Elias at ngumiti pa siya sa akin!

Malalim ang naging buntong-hininga ko at nagmartsa paalis.

NAGSUOT ako ng black dress at muling sinuklay ang buhok. Nagpisik ako ng pabango at sinukbit ang bag. Paglabas ko ay nakasalubong ko si Blake. Katapat ko nga lang pala ang kwarto niya.

"Going somewhere?" Ngumiti siya habang nilalaro ang susi sa daliri. "Aalis din ako. Sabay ka na sa akin."

"No, thanks. Ingat ka na lang. Baka sana mabunggo ka."

Natawa siya. "Binago ka talaga ng France."

"Simple lang ako sa buhay. Kung ano 'yong pinakita niyong ugali sa akin, iyon din ang ipapakita ko."

"Hanggang kailan?" Ngumisi siya. "Tingin mo, magtatagal ka rito?"

"Alam kong hindi ako magtatagal dito dahil isa lang ako laban sa inyong lima na gusto akong ibalik sa France. Pero hangga't nandito pa ko, gagawin kong impyerno ang buhay niyo." Ginantihan ko siya ng ngisi at tumalikod na ngunit lumingon rin. "Where's your mom? I need to talk to her."

"I'm warning you, Tatiana. Don't do anything sh*t to my mom."

"She's the real example of shit. So, I'm not going to do anything more." I chuckled. "Where is she?"

He glared at me. "Third floor. Dad's office."

"Thanks." Inunahan ko rin siyang sumakay ng elevator.

Pagbaba ko sa ikatlong palapag ay red carpet agad ang natapakan ko. Pinagkagastusan talaga nila ang bahaging ito, lalo na't dito sila madalas magkita-kita para bumuo ng plano laban sa akin. Kinuha ko ang maliit na paso at kinalat ang lupa niyon sa gitna.

"Perfect." I smirked. "Paniguradong mabubwisit na naman ang Barbara na 'yon."

Palapit pa lang ako sa opisina ni Dad ay naririnig ko na ang tinig nilang tatlo. Sumandal ako sa pader at pinakinggan ang kanilang usapan.

"Kuya," maarteng sambit ni Vivian. "Kailan mo ba paaalisin dito si Tatiana? I can't take her anymore. Binutas niya ang gulong ng kotse ko yesterday."

"And because of her, my favorite plant died!" Barbara added in disappointment. "You know how much I love indoor plants!"

"Can you both keep quite?" Dad said. "I'm thinking."

"Why don't you use the Gil Intelligent Security to bring her back to France?" Barbara suggested. "You're the current head of it, Vivian."

Ngumiwi ako. Inagaw na nga niya sa akin ang Gil Furnitures, pati ba naman ang intelligence security? Sino namang nagtalaga sa kaniya ro'n?

"And you, honey," she added again. "You're the President of Gil Group of Companies and the acting Chairman. I'm sure mas dumami pa ang connections mo. Makakaya nating ibalik si Tatiana sa France."

Naiintindihan ko kung bakit siya ang acting Chairman dahil hanggang ngayon comatose pa rin si Lolo pero ginagamit niya ang kapangyarihan na 'yon para mapalawak ang koneksyon niya at muli akong ipatapon sa France? Ironic.

"We all know she's a hard-headed brat now," Dad blurted. "She became mentally strong. Hindi natin siya mapapaalis ng gano'n lang kadali."

"So, hahayaan mo lang siyang tumira rito?" bitter na wika ni Vivian. "Hindi ako papayag. Masyado na niyang pinepeste ang buhay natin."

Doon na ako humarap at marahas na binuksan ang pinto. Sabay-sabay pa silang lumingon sa akin.

"Hinding-hindi ako aalis dito," taas-noong sambit ko. "Magkamatayan man tayo."

Hindi ako aalis hangga't hindi ko nalalaman kung sino sa kanilang lima ang pumatay kay Mommy Talitha at kung sino ang bumangga sa sasakyan ni Lolo Rowan.