60: TRAINING GROUNDS

It's not all about the past, it's all about how you survived.

Author's Pov:

"Gutom na gutom na gutom na ako!" Pasigaw na reklamo ni Vince habang nakahawak ang isang kamay sa tiyan at ang isa naman ay ginagawang unan.

Nakatihaya silang lahat ngayon sa malakawak na field habang nagkanya-kanya ng pahinga at kuha ng lakas. Sira na ang lahat ng robots at umuusok itong nakabulagta sa lupa.

Tumango na rin sina Nick sa sinabi ni Vince kasabay ng pagtunog ng mga tiyan at ang pagkatuyo ng lalamunan bilang tanda ng pagkauhaw. Tanghaling tapat na pero narito pa rin sila at nakikipagbakbakan sa walang kwentang si F.H.

"Wala ba talaga kayong pagkain na dala?" Parang naiiyak na sa gutom na tanong ni Elton at nilingon sila isa-isa nang hindi pa rin bumabangon sa lupa.

Napangiwi naman si Sofilia sa sinabi nito bago nagsalita. "Sino naman kasi ang mag-aakalang aabutan tayo ng tanghalian dito edi sana nagdala na lang ako ng kaldero." Sansala nito bago tinuon ang dalawang paa sa lupa tsaka tinukod a