63.1: “PLEASE...”

"Mommy!" Isang matinis at nakakarinding sigaw ni Vince ang umalingawngaw sa buong rooftop.

Mabilis itong tumakbo papunta sa direksyon ng halos may katandaan ng babae na katabi lamang ng kapatid ni Nick ngunit agad rin siyang napahinto nang hinarang muli siya ng mga tauhan ni F.H. Hindi iyon pinansin ni Vince at sinilip ang kanyang ina mula sa malalapad na dibdib ng mga taong nakaharang sa kanya. Luminga-linga si Vince na para bang may hinahanap pa tsaka muling bumalik ang mga mata sa ina niyang walang awat ang pagtulo ng mga masasaganang luha.

"Mommy, nasaan si Daddy?" Wala sa sarili nitong tanong at sinubukkan ulit pasadahan ng paningin ang buong paligid, inaasahan na makikita ang kanyang ama o kahit anino lamang nito. "Mommy?" Muling pagpukaw ng pansin ni Vince nang mapansing mas lalong lumalakas lamang ang pag-iyak nito.

"Wala na siya, anak. Hindi niya nakayanan kaya bumigay na ang katawan. Alam mo naman 'yon, masakitin din, 'diba?" ani ng kanyang ina na sinubukan pang tumawa sa