Chapter 92

CHAPTER 92

"H-hindi ako m-makapaniwala sa mga sinabi mo," kandautal pa na sabi ni Lucas kaya naman hindi na maiwasan pa ni Ayesha na matawa dahil sa itsura ng kanyang nobyo na mukhang nagulat nga sa kanyang naging reaksyon sa pag amin nito sa kanya.

"Hindi naman ako magagalit sa'yo. Masaya pa nga ako dahil ikaw ang ama ng mga anak ko. Salamat sa pagbigay sa akin ng mga anak ko," nakangiti pa na sabi ni Ayesha sa kanyang nobyo.

Napabuntong hininga naman si Lucas saka nya seryosong tinitigan sa mata si Ayesha. Pinisil pisil pa nya ang kamay nito saka nya iyon hinalikan.

"Sorry. Sorry kung hinayaan ko na makaalis ka. Di ko naman kasi akalain na bigla bigla ka na lamang aalis noon ng hindi man lang ako ginigising. Ang buong akala ko noon ay magigising ako kapag gumalaw ka pero mukhang napasarap yata ang tulog ko noon at hindi ko man lang naramdaman ang pag alis mo," hinging tawad ni Lucas sa kanyang nobya.

"Sorry din dahil totoong natakot ako noon. Sadyang binilisan ko ang pag alis ko noo