Chapter 30.2

Nang makahiga sa kama ay nawala ang ngiti ko. Ito ang unang gabi na wala si Kyrous. Nakakapanibago.

Kinuha ko ang cellphone na nasa bed-side table at tinignan ang pangalan niya. Wala pa rin siyang reply. Nagtipa ako ng mensahe at pinadala iyon sa kanya. 'Di ko alam kung nababasa niya, pero, gusto ko lang malaman niyang miss ko na siya.

Kinabukasan ay tahimik nang maalimpungatan ako. Walang Kyrous na humahalik sa akin o sumisigaw para sabihing kailangan ko nang gumising.

Naghilamos ako at sinuri kung mayroon ako. Wala naman kaya alam kong hindi na ako nireregla. Nang matapos ay nagsuklay ako at nilagyan ng cream ang mukha. Ngumiti ako sa salamin nang matapos. Kaunti na lang at pakiramdam ko mawawala na ang sugat ko roon.

Bumaba ako at naabutan ko si LJ sa kusina, na nagti-templa ng kape. Base sa usok na mula sa kitchen ay alam ko ring nagluluto siya. "Good morning, Love!" masiglang bati ko sa kanya.

Tinapunan niya ako saglit ng tingin bago bumalik sa paghahalo ng tasa. "Morning,"