Chapter 20.1

Scarlet's POV

"Totoo pala 'yang kilay mo. Infairness, ang ayos!" puri ni Zai nang tumabi ako sa kanya. Napansin siguro niya iyon dahil bare face ako.

"I know right!" Humalakhak ako at itinaas baba ang kilay bago kinuha ang make up kit sa bag.

"Nga pala, Scarlet. May seatwork mamaya. Anong sabi ni sir? Excuse ka ba muna?" tanong ni Lyn habang may notebookna hawak.

"Magti-take ako," sagot ko bago sinimulan ang pagsukay ng buhok. "Patingin nga ng notes!" utos ko sa kaibigan at sinimulan ang pagkabesa ng mga sinabi ni Kyrous habang nag-aayos ng buhok at mukha.

Nang matapos ang ilang minuto ay nagsimula na ang pagsagot ng seatwork. Pero, pinaghiwa-hiwalay na naman ang upuan namin. Bago rin magsagot ay pinaharap ang lahat ng bag namin, sinuri ang palad, ibang parte ng katawan kung may mga nakaukit at nakatagong mga sagot at tanging ballpen lang ang gamit na nakalabas para maiwasan ang dayaan.

Nang matapos ay nasagutan ko ang lahat dahil nai-memorya ko ang mga tanong bago pa man magsimu