Chapter 56

“Sir, sir! Gising na po. Magsasara na po kami.”

Naalimpungatan si Sandro sa tinig na iyon. Nang imulat ang mata, natanaw niya ang isang lalaking may kalakihan ang katawan at ang kaherang nag-serve sa kanya kagabi. Sa pangangatawan pa lamang ng lalaki, obvious na isa itong bouncer ng naturang bar. 

“Pasensya na po, sir, pero kailangan n’yo na pong umalis. Kailangan na po naming linisin ang buong bar.”

Nag-aalangang bumangon si Sandro at tiningnan ang oras sa kanyang orasan. Ganap nang ikapito ng umaga. Binalingan niya ang ang serbidora at ang bouncer at tumalima sa kanilang ipinakiusap. 

Dahan-dahan niyang tinungo ang banyo. Pinagmasdan niya ang sarili sa malaking salamin sa ka