TM1

Kabadong bumaba ng eroplano si Ariana. Sa wakas, pagkatapos ng limang taon na pananatili sa California ay nakabalik na rin siya ng Pilipinas, matagal na siyang umaasa na makapiling muli ang mga nawalay niyang mga kapatid, hindi na siya makapaghintay na makita at mayakap ang mga ito.

Paglabas ni Ariana ng arrival gate nakita niya agad ang dalawa sa triplets niyang mga kapatid. Tumakbo siya patungo sa mga ito hatak-hatak ang kanyang malaking suit case.

"Mga Kuya!!" masayang tawag niya, at sabay na lumingon sa kanya ang dalawa.

"Ariana Kate!" Mahigpit siyang niyakap ni Rick. 

"Damn! Dalaga na ang unica hija namin!" Tudo ngiting sabi ni Kurt.

"Kuya! Bagong ayos ang buhok ko," reklamo ni Ariana nang gulohin ni Rick ang buhok niya. 

"At maarte na rin! Noon sipunin ka pa at ayaw maligo," pagkukwento ni Rick sabay akbay sa kanya. "Ngayon ang bago na at mukhang oras-oras kung maligo."

"Kuya Rick, dahil bata pa nga ako noon ‘di ba? Iba na ngayon, dalaga na ‘ko."

“Tama nga naman Ken Rick,” sigunda ni Kurt Rex.

"Si Kuya Brian? Hindi ba siya sumama sa inyo para sunduin ako?" pag-iiba ni Ariana ng paksa. Inasahan pa naman niya na kompletong susundo sa kanya ang mga kapatid.

Sa triplets niyang nakatatandang kapatid, si Brian Gil ang hindi malapit sa kanya. Hindi niya alam ang dahilan kung bakit palagi na lang mainit ang ulo nito sa kanya, para bang lagi itong may regla sa tuwing kaharap siya. Sa pagkakatanda ni Ariana, wala naman siyang ginawang masama kay Brian, ganun lang talaga siya nito tratuhin; cold, harsh and savage. Napakailap at hindi niya magawang makuha ang loob ng nakatatandang kapatid.

"Pasinsya na Ariana, kilala mo naman ang isang ‘yon. Kung ayaw n’ya, hindi talaga mapipilit sa kanya," katwiran ni Rick.

"Hayaan mo na si Brian, hindi ka pa nasanay sa isang iyon, mas uunahin pa nun ang mambabae kesa ang makipag-bonding sa atin na kapamilya niya," dagdag ng Kurt.

Yeah, babaero nga ang Kuya Brian niya. Mas pipiliin pa nito ang makasama ang mga fling nito kesa sa kanila na pamilya. Minsan nga noong magbakasyon ang triplets sa California para bisitahin sila, hindi niya halos makita sa bahay si Brian. Ang dahilan? Binisita nito ang ex-girlfriend na sa California nadestino, hindi pa nga umuwi ang lalaki ng ilang araw at doon sa bahay ng babae natulog.

"Ayos lang mga kuya kasi nandito naman kayo." Tipid na ngumiti si Ariana. 

 

Mabuti na nga at triplets ang mga kapatid niya, kahit malayo ang loob ni Brian sa kanya, at least palaging nasa tabi niya si Kurt at Rick, kahit paano ay maswerte pa rin siya kesa sa iba na kahit magulang ay hindi kasama.

~❀~

"Welcome back, Ariana Kate!" sabay na sigaw ng lahat nang pumasok si Ariana ng mansion kasunod ni Kurt at Rick.

"Oh, my gosh!" tili niya nang makita ang mga pinsan sa salas ng malaking bahay.

“Na-miss ka namin, Ariana Kate. We're happy to have you back,” magiliw na sabi ni Ziggy, isa sa mga pinsan niya. Lumapit ito kay Ariana at mahigpit na niyakap ang dalaga.

"Kuya Z…tama na, nasasakal na ‘ko." Natatawang sabi niya at humiwalay sa pinsan.

"Pasensya na, na-miss lang kita," paumanhin ni Ziggy at ginulo ang buhok niya.

"Oo nga, ang tagal mo kasing bumalik Ariana," segunda ni Yves.

Nagulat si Ariana, katabi ni Yves ang Kuya Brian niya. Hindi niya ito napansin kanina, ang buong akala niya’y wala ito at nasa kung saan kasama ng mga babae nito. Ngunit, kahit na natutuwa siya na makita ito, hindi nagpahalata si Ariana at isinawalang bahala ang presensya ni Brian.

"Paano kasi ayaw akong payagan ni daddy na bumalik ng Pilipinas. Pati nga ang pagbabakasyon dito ay ayaw akong payagan.”

"Hayaan mo na, para rin naman iyon sa ‘yo. Gusto lang masiguro nila Tito Renoir na nasa mabuti kang kalagayan," pang-aalo ni Saint, ang kakambal ni Ziggy.

"Kung hindi ka dinala nila tito at tita sa California baka ngayon buntis ka na," prangka at walang filter na sabad ni Xander; ang nakatatandang kapatid ni Yves. Wala pa rin itong pinagbago, matalas pa rin ang tabas ng dila at straight forward.  

"Grabe naman Kuya X? Hindi pwedeng boyfriend muna? O kaya aral muna bago landi?" depensa ni Ariana. Buntis talaga? Hindi naman siya ganun klase ng babae.

"Oo nga, X! Grabe ka!" segunda naman Ziggy.

Sa apat na pinsan ni Ariana, si Ziggy ang pinakamabait para sa kanya. Hindi lang mabait, masayahin ito at laging nama-magnet ang mga tao sa paligid nito para maging kaibigan dahil sa jolly and bright personality nito.

"Bakit, pwede naman ‘yon, ah? Uso ngayon sa generation natin ang ganyan. May iba nga d’yan may anak na tinatago lang,” biro ni Xander. 

Mahinang tumawa si Ariana, ngunit agad siyang natigilan nang sa kanya natuon ang tingin ng lahat. "B-bakit? M-may problema ba? Hindi ba't nakakatawa ‘yon?"

Walang nagsalita o nagkomento sa sinabi niya.

Napalingon ang lahat kay Brian na walang imik na tumayo. Umalis ito ng salas ng hindi nagpapaalam sa kanila, at pumanik ng ikalawang palapag. Sumimangot si Ariana, ay ganun? Hindi pa nga ito bumabati sa kanya, umalis na agad? Hindi niya mapigilan samaan ng loob. Mukha yatang may nasabi siyang naging dahilan para ma-offend ito, pero ano naman?

"Hayaan mo na ang isang 'yon, stress lang si Brian. Kakahiwalay lang kasi nila ng syota nya," pang-aalo ni Rick sa kanya. Nahalata marahil nito ang disappointment niya sa kinilos ni Brian.

"Tama si Rick, h’wag mo ng pansinin si Brian. Parang hindi ka pa nasanay doon." Hinimas ni Kurt ang likuran niya. "Pabayaan mo na nalang ang isang yon."

Impit na nginitian ni Ariana ang mga kapatid. "Okay lang mga kuya. Hindi na nga talaga siguro magbabago ang treatment ni Kuya Brian sa ‘kin. Gusto ko mang maging malapit sa kanya, wala rin akong magawa kung siya mismo ay ayaw sa ‘kin." 

Isang malalim na buntonghiniga ang pinakawalan niya. "Mga kuya akyat muna ako sa kwarto, mag-aayos lang ako ng mga gamit ko," paalam ni Ariana na hindi na hinintay ang sagot ng mga ito.

~❀~

"Ibaba n’yo nalang po ang mga ‘yan d'yan sa sulok," bilin ni Ariana sa dalawang katulong na nagdala ng maleta niya.

Sa mansion ng grandparents niya pansamantalang titira si Ariana kasama ng mga kapatid at pinsan niya. Ang daddy at mommy kasi nila ng triplets ay nasa California at inaasikaso ang negosyo ng kanilang pamilya, ganun din ang parents ng kambal na sina Ziggy at Saint, magkapatid na Xander at Yves, lahat ay busy sa kani-kanilang mga negosyo, kaya silang magpipinsan ay ginawang dormitoryo ang mansion ng kanilang Lolo Klimt.

Convinient kasi sa kanila ang tumira sa lumang mansion ng mga dela Vega. Bukod sa malapit lang ito sa university na papasukan nila, hindi sila malulungkot dahil magkakasama silang magpipinsan at may mga katulong din na inilaan para asikasuhin sila. Wala na rin kasing nakatira sa malaking bahay, dahil mas pinili ng kanilang Lolo Klimt na manirahan sa Pennsylvania.

Pagkatapos ayusin ang kanyang mga gamit, naglakad si Ariana patungong balcony upang magpahangin. Napangiti siya nang makita ang rose maze garden ng kanyang great grandmother; ang ina ng kanilang Lolo Klimt.

Madalas silang maglaro na magpipinsan sa rose maze noong mga bata sila, at siya ang laging nananalo dahil maliit siya at magaling maglaro ng tagu-taguan. Malabo man sa alaala ni Ariana, masaya siyang balikan ang kanyang masayang kabataan kasama ang mga kapatid at pinsan. Hindi lahat ng memorya niya ang nagbalik, but at least, hindi na siya tulad noon na nangangapa sa sarili niyang pagkatao.

Minsan ng nasangkot sa isang aksidente si Ariana na naging dahilan ng pagkawala ng kanyang alaala, ito ang pangunahing dahilan kung bakit dinala siya ng kanilang magulang sa ibang bansa. Matindi ang aksidenting kinasangkutan niya noon at halos ikamatay niya iyon, mabuti na lang at may kakayanan ang magulang niya na dalhin siya sa California para sa mabisang gamutan.

Niyakap ni Ariana ang sarili nang umihip ang malamig na hangin, napapikit siya nang masamyo ang nakapabagong halimuyak ng mga rosas mula sa garden. 

“Sa wakas… Nakabalik na rin ako.”

Ilang buwan niyang kinulit ang daddy niya para lang payagan siyang bumalik ng Pilipinas. Gusto niyang dito magkolehiyo, at syempre, para na rin makasama ang kanyang mga kapatid na matagal ng nawalay sa kanya. Mabuti na lang talaga at sa bandang huli ay pumayag ang daddy niya kaya heto siya ngayon, kasama na ng kanyang mga kapatid.

Pabalik na si Ariana sa loob ng kanyang silid nang mapasulyap siya sa kabilang balcony; nakaupo sa isang outdoor chair ang Kuya Brian niya, nakadekwatro itong nakasandal sa upuan at nakasalampak ang headset sa tenga habang nakapikit ang mga mata. 

“Nakatulog ba siya habang nagpapahangin?” bulong ni Ariana.

Muntik na niyang makalimutan na magkatabi lang ang kwarto nila ni Brian. Katabi naman ng kwarto ni Brian ang kwarto ni Kurt, at katabi ng kwarto ni Kurt ang kwarto ni Rick. Ang katapat naman na kwarto ay ang kwarto nina Yves, Xander, Ziggy at Saint, katulad ng sa kanilang magkakapatid ay may mga balcony rin ang bawat silid ng apat niyang pinsan na nakaharap naman sa malaking pool ng mansyon.

Napatitig si Ariana sa mukha ni Brian. Maliwanag ang buwan kaya hindi nakatakas sa mga mata niya ang maamo at gwapo nitong mukha. Napangiti siya, nakakatuwa paring pagmasdan ang maliit na mole sa ilalim ng ilong ng nakatatanda niyang kapatid. Bumaba ang tingin ni Ariana sa labi nito, katulad ng ilong ay may maliit ring nunal sa gilid ng labi si Brian Gil.

 

"Ang akala ko ba’y kapag may nunal sa lips madaldal? Bakit siya panis na yata ang laway sa sobrang tahimik?” Nakalabi niyang tanong sa sarili. "Tsk! Ewan… Bakit ba kasi ganyan ka makitungo sa ‘kin Kuya B?" 

Nakatitig parin si Ariana sa kapatid nang bigla itong magmulat ng mata. Nataranta siyang nag-iwas ng tingin at tumalikod, ngunit aksidenteng tumama ang tuhod niya sa gilid ng silya.

"Ouch!" d***g niya at napaupo sa sahig sa sobrang lakas ng pagkakatama ng tuhod. Siguradong magpapasa ito ng ilang araw. "Ang tanga-tanga naman kasi. Ouch! Sumagad talaga sa bone marrow ang sakit," eksaherado niyang bulong. Siguradong nasa kabilang balcony pa ang Kuya Brian niya, mainam na hindi muna siya tatayo.

Panay ang ihip ni Ariana sa kanyang tuhod nang bigla nalang siyang umangat sa sahig. Nanlaki ang mata niya nang makita sa malapitan ang mukha ni Brian Gil.

"K-kuya Brian…" mahina niyang sambit.

Napalingon si Ariana sa pinanggalingan nitong balcony, at napakurap-kurap siya nang makitang nasa sahig na ang headset at cellphone nito. Marahil ay naitapon nito ang mga gamit sa pagmamadaling tawirin ang balcony para tulungan siya.

“Pero bakit? Hindi ba wala naman siyang paki sa ‘kin?” tanong ni Ariana sa sarili.

Pagpasok ng kwarto maingat na inilapag siya ni Brian Gil sa gilid ng kama. Agad nitong tinignan ang tuhod niya; malalim itong nagbuntonghininga.

“Magnanakaw ka na lang ng tingin tatanga-tanga pa,” iritadong sabi nito kaya napalabi siya. Kung ganun ay alam pala nitong pinagmamasdan niya ito habang natutulog. Eh? Tulog nga ba? Paano nito nalaman na nakatitig siya?

"Sorry, pinanunood—"

"Sa susunod, h’wag kang tatanga-tanga.” Hindi siya pinatapos ni Brian magsalita. Tumayo ito. "Magpapadala ako dito ng yelo sa katulong, gamutin mo ang sarili mo,” walang simpatya na sabi nito at lumabas ng kanyang silid.

Gustong kutusan ni Ariana ang sarili. “At talagang umasa ka pang concern siya sa ‘yo? Dream on, Ariana! Gumawa ka lang ng panibagong dahilan para mas mainis siya sa ‘yo. Sigurado nabasag ang screen ng cellphone niya. Bakit ba kasi ang lampa ko?” kastigo niya sa sarili