Kabanata 87: Revenge?

"H-HOW DARE YOU!" malakas na sigaw ni Daniela at akmang gaganti nang pigilan ko ang kamay niya.

"Sabihin mo na ang mga gusto mong sabihin sa akin pero huwag na huwag mong dinadamay ang Mommy ko!" hindi ko na napigilang sigaw.

Nanlaki ang mga mata ni Daniela at galit na sinugod ako.

"WALANG HIYA KA!!"

Nabigla ako doon kaya hindi agad ako nakapaghanda. Sinabunutan niya ako at pinagkakalmot ang braso ko. Walang umawat sa amin kaya marahas ko siyang itinulak palayo sa akin. Nagawa ko naman iyon at nakita ko ang pagkabangga niya sa isa sa mga sofa na naririto sa loob ng lobby.

Mabilis ang naging pag-impit niya at nagulat kaming lahat nang makita namin ang pagdaloy ng dugo sa mismong hita niya. Para akong natulala nang masaksihan ko ang pagdaloy non sa mga binti niya.

"Naku! May dugo!"

"Tulungan niyo si Ma'am Daniela bilis!"

"Tumawag kayo ng ambulansya!"

Tulala lang ako habang abala ang lahat sa pag-alalay sa kanya. Gulat din ang mukha niya pero agad din napalitan nang gal