Kabanata 90: Not Mine

DANIELA POV

"Ang anak ko? Paano ang anak ko, Zack?" mahina kong bulong habang umiiyak sa sahig.

Akma na sana niyang bubuksan ang pintuan pero napahinto rin marahil ay narinig niya ako.

"Paano ang anak ko? Lalaki ba siya sa kulungan?"

Isang mahabang katahimikan ang namayani bago niya ako nilingon. Nakita ko pa ang pagsulyap niya sa tiyan ko.

"Inosente ang batang ito, Zack? Wala siyang kinalaman sa mga nangyayari."

Isang buntung hininga ang pinakawalan niya bago siya muling nagsalita.

"Sige, pagbibigyan kita sa ngayon. Para sa batang dinadala mo."

And with that ay tuluyan na siyang lumabas. Pakiramdam ko sa mga oras na ito ay ang hirap-hirap nang huminga.

ZACKERIEL POV

Ilang araw na rin simula nang huli kong nakita si Bella. Wala sa sariling nilingon ko ang labas ng bintana mula rito sa opisina ko. Kitang-kita ko ang pagbuhos nang malakas na ulan.

Hindi ko na alam ang gagawin ko.

Nahinto ang mga pinag-iisip ko nang tumunog ang aking selpon. Agad ko namang sinagot