Chapter 54: FATHER'S WORRIES

Pabalik-balik nang lakad si Avery sa sala kahit pagod siya sa biyahe. Dapat nagpapahinga sila pero si Lucas nais makausap ang ama niya privately, siguro gusto nitong makausap ang ama niya na hindi niya naririnig.

"Relax, Ave, nahihilo ako sa'yo," suway ni Simon sa kaniya.

"Paano ako magre-relax? Eh, kanina nga sa harapan ko binabara-bara ni Dad si Lucas?" inis niyang sabi dito with action pa ng mga kamay at pabalik-balik na naman ng lakad.

"Kung disidido talaga si Lucas sa'yo, he can handle uncle Diether naman," sabi naman ni Simon.

"Tama ang pinsan mo, Ave. Hindi naman kakagatin ng daddy mo ang boyfriend mo at kung talagang walang maling ginawa talaga si Lucas noon, na biktima lang din siya ng sarili niyang pamilya, hindi siya matatakot makipag-usap sa ama mo," singit naman ng ina ni Gwy, habang may tinitingnan na mga papel.

Hindi niya alam kung para saan iyon, si Simon naman nakatutok sa laptop at siguradong pangbusiness iyon.

"Eh..." Napaupo na lang siya sa couch. "Kahit na."