2: Ruthless Mafia Boss

CHAPTER TWO

[Warning! Contains Violence]

TWO WEKS LATER..

News about Mario "The Bulldog" Blanco's death was already widespread in the City gaining different reactions from the residents. May ibang natutuwa, may ibang nalungkot at nagalit sa gumawa nito kay Mario, at may iba namang natakot.

Ang mga natutuwa ay 'yong mga taong naging biktima ng kawalanghiyaan ni Mario. Either pamilya ito ng mga pinatay nito o ng mga niri-rape nitong mga babae.

'Yong mga nalungkot at nagalit naman ay ang pamilyang Blanco at ang mga totoong kaibigan at mga taong nakikinabang sa mga pinanggawa ni Mario "The Bulldog".

Ang mga natakot ay 'yong mga maliliit na taong partner ng Bulldog sa mga illegal nitong negosyo. Natatakot silang baka sila na ang isusunod at na baka mawalan na sila ng negosyo at pagkakikitaan.

Ngunit lahat naman nang mga organisasyon na nag-operate sa underground ng lungsod ay natuwa. Nawala na kasi ang kinatatakutan nilang tao, ibig sabihin, malaya na ulit silang makakapag-operate sa buong lungsod nang hindi kinukutungan ng Bulldog.

Ngunit may kaunting takot pa rin silang naramdaman lalo na at hindi nila kilala ang taong pumatay kay Mario na ayon sa balita ay pumasok lang umano sa bahay ng Bulldog at doon ito binaril.

Gamit ang kanilang mga tauhan at koneksyon, dalawang bagay lang ang nalaman nila tungkol sa taong nasa likod ng pagkamatay ng notorious na Mario "The Bulldog". Una, isa itong bilanggo na kakalaya lang at pangalawa, may grupo itong tinatawag na Lion Mob.

For someone who can kill Mario as easily as that, napakabadoy naman pakinggan ng pangalan ng grupo nito. But the fact that this person is almost unknown to them all made him even more dangerous.

Kaya hindi nila maaaring baliwalain ang taong ito.

Sa kabilang banda, si Dom naman ay patuloy lang sa pag-aasikaso at pagtatag ng kaniyang reputasyon sa Lungsod.

Matapos bayaran ang media, ibinalita ng mga ito ang pagkamatay ni Mario sa buong bansa. Dahil dito naging kilala ang Lion Mob sa buong San Diego City dahil inutusan din sila ni Dom na sabahin na sila ang pumatay kay Mario.

Ngunit dahil sa bago sa pandinig ng lahat ang Lion Mob, hindi nila alam kung ano ang mayroon sa grupong ito lalong lalo na ang mga taong nasa likuran nito.

Ang tanging alam lang nila ay ito ang organisasyon na nasa likod ng pagkamatay ng notorious na Mafia Leader ng lungsod.

Sa loob din ng dalawang araw matapos mamatay si Mario ay sinubukan ng City Police Chief na hulihin si Dom, ngunit isang tawag niya lang sa koneksyon niya sa Regional at National Office ng mga ito, ay bumahag agad ang buntot ng hepe at naging bulag at bingi nalang sa mga nangyayari.

The City Police realized that the Lion Mob is way, way more powerful than the group of Mario.

Dahil si Mario, hanggang dito lang sa Mindanao ang impluwensya. May koneksyon ito sa ibang lungsod at probinsya pero hindi ganoon karami.

Samantalang itong Lion Mob, ay protected ng mga matataas na opisyal ng bansa.

With this, the police could not do anything with this group.

Sa loob ng nakalipas na dalawang linggo, hawak narin ni Dom ang lahat nang mga naiwang negosyo ni Mario tulad ng droga, smuggling ng armas at iba pang illegal na transaksyon.

Ngunit ang mga legal na business ng Bulldog, tulad ng Department Stores at Construction Firms ay nanatiling hawak ng mga pamilya nito.

Pinuntahan na rin ng mga tauhan ni Dom ang lahat nang mga safe houses ni Mario sa buong San Diego City, at ang lahat nang mga tauhan nitong lumaban ay pinagpapatay nila at ang natira ay pinilit niyang magtrabaho sa ilalim ng kaniyang mga tauhan.

Dahil dito, ang dating isang higit lang sa isang daang bilang ng mga tauhan niya ay naging higit sa dalawang daan agad sa loob lamang ng dalawang linggo.

Sa pamamagitan din ng illegal na paraan nakuha niya ang bahay ni Mario at nakapangalan na ito sa kaniya, kaya ngayon ginagawa muna niya itong pansamantalang Head Quarters habang sinisimulan na ang paggawa ng kaniyang mansyon sa pook kung saan dating natirik ang kaniyang bahay.

Yes. Bahay niya iyong binisita niya dalawang linggo na ang nakaraan.

Ang bahay na naging saksi kung paano siya naghirap at nasaktan matapos siyang ahasin at iwanan ng kaniyang dating asawa.

Ang bahay na iyon ang naging saksi kung paano siya nakulong nang walang kasalanan dahilan upang humantong siya sa ganito.

Ang dahilan kung bakit, ang dating napakabait at matatakutin sa diyos na Dominic ay naging isang mamatay tao.

Ito ang dahilan kung bakit pinili niyang dito gumawa ng simula sa San Diego City kahit na nasa Maynila naman ang pangunahing negosyo ni Salvatore na ipinagkatiwala nito sa kaniya bago ito namatay.

Dahil gusto niyang paghigantihan ang kaniyang dating asawa at ang lalaking ipinagpalit nito sa kaniya.

Dalawampong taon siyang naghirap sa loob ng bilangguan upang bayaran ang kasalanang kailanman ay hindi niya ginawa.

Siguro, kung hindi dahil kay Salvatore, mamamatay siya sa bilangguan na iyon nang hindi man lang makaganti sa lahat nang mga may utang sa kaniya.

Pero dahil pinagbigyan siya ni Satanas ng pagkakataong makapaghiganti, sisiguraduhin niyang iiyak ng dugo ang kaniyang dating asawa at ang lalaki nito.

He will let them suffer fate worse than death.

"Boss, we're here.."

Bumalik sa kasalukuyan ang kaniyang ulirat nang marinig niyang magsalita si Kris, ang kaniyang Right-Hand man.

Huminto ang kanilang sinakyang bulletproof SUV sa isang malaking gusali na may limang palapag na pagmamay-ari ng pinakamayamang negosyante rito sa pulo ng Mindanao - ang mga Valdez.

Pagkatapos bumaba ng kaniyang mga tauhan mula sa dalawang SUVs na pumagitna sa kanila, ay bumaba narin siya at walang lingon-lingon na pumasok sa main entrance ng building.

"Nasa fifth floor daw ang opisina ni Mr. Valdez, Boss." Sabi ng isa sa kaniyang mga tauhan matapos tanungin ang isang security guard na nag babantay sa entrance door.

Kahit na may mga dalang baril ang kaniyang mga tauhan, hindi na nakapalag ang security guard, dahil maliban sa nag-iisa lang ito at marami sila, sadyang pinapakita rin ng ilan sa kaniyang mga tauhan ang kanilang tattoo sa leeg na isang kulang pulang liyon.

Ito ang logo ng Lion Mob na ipinakita ng media. Kaya isang sulyap lang sa kanilang tattoo, nakilala agad ito ng security guard.

"Sinamahan lang namin ang aming Boss. Wala kaming gagawing masama rito." Sabi ni Kris sa guard nang makita itong pinagpapawisan at tila ba takot na takot, tinapik pa niya ito sa balikat habang kumumpas sa apat na kasama na magpaiwan dito sa baba.

Pagkatapos nito ay umakyat na sila sa top floor ng building kung saan naroon ang office ni Mr. Valdez. Sakay ang elevator ay narating agad nila ang fifth floor nang wala pang isang minuto.

"Mga Sir, excuse me-"

Isang guard ang lumapit sa kanila upang tanungin sana sila kung ano ang pakay nila, ngunit naudlot ang sasabihin sana nito nang may limang armadong kalalakihan ang biglang sumulpot mula sa hagdanan ng building. Ito ang mga tauhan ni Dom na umakyat nalang sa hagdan dahil hindi na sila kasya sa elevator.

Dahil nag-iisa lang din ito, pinagpapawisan agad ang guard sa takot lalo na nang makita nito ang mga tattoo sa leeg ng mga kalalakihang nasa harap.

"Saan ang opisina ng Boss mo?" Tanong ni Kris dito habang nakangisi.

"B-ba-banda r-roon p-po, Boss." Nauutal sa takot na tugon ng guard habang pinagpapawisan.

"Salamat." Tugon naman ni Kris sabay tapik sa balikat ng guard. "Maiwan muna kayo rito." Sabi naman niya sa limang kasama na umakyat sa hagdan na tinugon naman ng mga ito ng tango.

Pagkatapos ay pinuntahan na nila ang opisinang itinuro ng guard.

Pagpasok nila rito ay tinanong agad ni Kris ang babaeng nakaupo sa isang table na mukhang sekretarya.

"Mr. Valdez is still in the middle of their board meeting, I'm afraid that you have to wait for them to finish, Sir." Sabi ng sekretarya sabay sulyap sa isang heavy glass door sa kaliwang bahagi ng opisina na may nakasulat na "Conference Room".

"No need.." Tugon naman ni Dom at walang sabi-sabing pumasok sa conference Room kasunod si Kris at ang lima pa apat pang mga tauhan niya habang nanatili naman sa labas ang dalawa.

Papalag sana ang sekretarya ngunit matapos hawiin ng dalawang lalaki ang kani-kanilang leather jackets kung saan lumitaw ang baril sa kanilang tagiliran ay natahimik nalang ang sekretarya habang nakaupo sa upuan nito.

Pagpasok naman nina Dom sa loob ng conference room ay gan'on nalang din ang pagkagulat ng mga tao sa loob na lahat ay mga malalaking negosyante rin dito sa Mindanao.

Walang kilala si Dom ni isa sa mga ito maliban nalang kay Mr. Valdez na nakaupo sa kabisera nga mesa. At nakilala lang din ito ni Dom dahil nakikita niya ito sa mga magazines at dyaryong binabasa.

"Who are you? What's the meaning of this?" Galit at seryosong tanong ni Mr. Valdez habang tinitigan ng masama sina Dom.

"Dominic Filipe, current Boss of the Lion Mob Mafia.. I am here to buy the fifty percent share of the Mindanao Summit Corporation." Seryoso rin at diretsang tugon ni Dom sabay hila ng upuan malapit kay Mr. Valdez - the CEO of this conglomerate.

"What? HAHAHA! Are you kidding me?!" Hindi makapaniwalang sabi ni Mr. Valdez habang tumatawa.

"Do I look like kidding to you?" Seryoso pa ring sabi ni Dom sabay hugot ng kaniyang baril at ipinatong ito sa ibabaw ng mesa.

"Are you trying to threaten us?" Matapang na tanong ng isa sa mga taong narito sa loob ng conference room.

"No. I am trying to make a negotiation." Tugon naman agad ni Dom.

"Bullshit!" Tugon naman agad ng isa pang may katandaan nang lalaki na nakaupo malapit kay Mr. Valdez. Galit nitong ibinagsak sa mesa ang dalawang kamay at matalim na tinitigan si Dom.

"Do you think you can just barge in here while we're having a meeting just because you're the Boss of that shitty mafia?!" Galit na patuloy nito. "Mindanao Summit Corporation is not something you can afford to offend, brat! We're the top 10 richest company in asia. Do you think a mere Mafia like yours can threaten us? You're dreaming--"

Bang!

Hindi na natapos nga lalaki ang mahabang lintanya nito nang paputukan na ito ni Dom ng baril. Natumba naman agad ito matapos tamaan sa balikat.

"Anyone else?" Sabi pa niya sabay patong ulit ng baril sa ibabaw ng mesa na parang wala lang nangyayari.

"I am here to buy some company shares from you. And I am asking you all in a nice and legal way.. Please don't disappoint me." Dagdag pa niya sabay titig sa mga taong narito sa loob na ngayon ay pinagpapawisan na dahil sa nangyari.

"Don't treat us like a child, brat. Bumalik ka sa kung saang lungga ka galing at--"

Bang!

Isang middle aged na lalaki ulit ang nagsalita ngunit hindi pa ito tapos nang paputukan na naman ito ni Dom ng kaniyang baril, matapos tamaan sa balikat nito ay natumba rin ito sa sahig kasama ang inupuan.

Isang nakakabinging katahimikan ang biglang namagitan sa lahat habang unti-unti nang dumanak sa puting marmol na sahig ang dugo ng dalawang lalaking nakahandusay rito.

"I just want to buy five percent shares from each and everyone of you.. If you can't do that, then tell me right away so that I can decide which of your family member am I going to kill first." Malamig paring saad ni Dom habang nagsimula nang mainip sa kahihintay.

"Damn you! Don't you dare drag our family--"

Bang!

Tumba ulit ang lalaking magsasalita sana.

"I am getting bored. If anyone of you utter a single word which is not connected to what I came here for, will surely end up like them." Wika niya habang hindi man lang nag-iba ang ekspresyon ng mukha sa kabila ng ingay na ginagawa ng tatlong sugatang lalaking nakahandusay sa sahig na parang naghihingalo na.

"I.. I will sell you five percent of my shares."

"Same goes with me.."

"Me too."

Sunod-sunod na sabi ng matatandang membro ng board habang nanginginig na itinaas ang mga kamay.

"Mr. Valdez, what are you waiting for? They want to sell me five percent of their shares.. Make the necessary documents and transfer these shares in my name." Seryosong sabi niya dahilan upang tawagan ni Mr. Valdez ang kaniyang legal officer at pinagawa ito nga mga legal na dokumento na hiningi niya.

Dahil narin sa takot sa kaniya ay sumunod narin ang ibang mga membro ng board sa tatlong naunang nagbenta ng kanilang shares. Maging si Mr. Valdez ay walang nagawa kung hindi ang magbenta narin ng five percent ng kaniyang share.

Pagkaraan ng ilang oras, nasa fifty three percent shares din ang nabili ni Dom. At matapos utusan si Kris ay agad niyang nabigyan ng bayad ang mga lalaking kaharap sa pamamagitan ng bank transfer.

Inutusan narin niya ang ilan sa mga tauhan na dalhin sa pinakamalapit na hospital ang tatlong binaril niya bago pa maubosan ng dugo ang mga ito.

"I am a fair person when it comes to business. So, despite having the majority share in this company, I won't get the position of the CEO from you. Tama na sa akin na maging majority owner ng kompanyang ito. Have a nice day, gentlemen." Sabi niya sabay tayo mula sa kinauupuan at umalis ng conference room nang nakangiti sa lahat na para bang walang nangyaring pilitan at takutan.

"That man is really ruthless.."

Mahinang bulong ni Mr. Valdez habang pinunasan ang mga pawis na noo sabay hinga nang malalim nang makalabas na ng conference room si Dom at ang mga tauhan niya.