Chapter 24

Chapter 24

Pagkauwi namin ni Kane ay agad akong nagtungo sa kwarto ko para maligo. Katulad ng ng sinabi niya kanina ay ibinili muna niya ako ng milktea bago kami umuwi.

"Si Kane po? " Tanong ko kay Manang Lucinda ng makababa ako. Suot ang isa ko pang pares ng uniform ay bumaba na rin ako agad.

"Umalis na si Kane, Hija. Nagmamadali nga siya." Sabi sa akin ni Manang.

"Ayos ka lang ba, hija? Kaya mo bang bumalik sa eskwelahan? " Tanong pa niya sa akin.

"Oo naman po, Manang. Okay na po ako." Nakangiting sabi ko.

"Hay naku, ang mga kabataan talaga ngayon. Hindi ko akalaing may mang aaway pa sayo dahil lamang sa isang lalaki. Halika, kumain ka muna. Ipinagluto kita ng sinigang. " malumanay na sabi sa akin ni Manang kaya naman mas lalong lumaki ang ngiti ko.

" Salamat, manang. " naglalambing akong humawak sa kanya at sabay kaming nagtungo sa kusina. Doon ay inabutan namin si Abby na naghahain ng pananghalian.

" Hi, Abby! Sabay sabay na tayong kumain. " aya ko sa kanila. Katulad ng mga una k