Chapter 55.5

Hindi nagdalawang isip si Claire na bumaba ng kotse habang naka tali sa palibot nang kaniyang katawan ang mga baril na kinuha niya at ang dalawang granada na dala niya. Naglakad siya sa gitna papunta sa loob na hindi iniisip ang kalaban.

"Sino ka?!" sigaw ng isa sa kaniya at mabilis na hinagis ni Claire ang granada sa gilid na parte ng building na ikinalikha niyon ng pagsabog kasabay nang pagbaril niya sa lalaking nakakita sa kaniya.

"Ako ang uubos sa inyo," seryosong sabi ni Claire at nagpatuloy sa paglalakad.

Napayuko si Camille dahil sa pagsabog na iyon na ikinayanig naman ng buong building sa sobrang lakas nang impact ng pagsabog.

"What was that?!" galit na sigaw ni Camille habang si Zekiel ay nagtataka kung ano ang nangyayari.

"Madam may sumusugod!" sigaw ng isang tauhan na napatigin sa may bintana.

"Lumabas kayo at labanan niyo!" sigaw ni Camille na ikinasunod naman ng mga ito at iilan nalamang ang naiwan sa loob.

"Sino naman ang magliligtas sa inyo?!" galit na sabi