Chapter 62

PAGKASAKAY na pagkasakay ni Xandra sa kanilang kotse ay agad iyong pinaandar ni Ginrose paalis doon. Kasama sa plano nila ang mabilis nap ag sibat matapos nilang magawa lahat ng mission na plinano nila.

Habang nasa loob ng kotse ay tawa ng tawa si Ginrose at Iara habang nag kukwentuhan sa nangyari. Ang mga videos na nakuha nila ay pagsasamasamahin nila iyon at panonoorin. Kapag okay na, ipapadala nila ito kay Tara bilang regalo sa kaarawan nito.

Habang busy ang mga ito sa pag kukwentuhan, si Xandra naman ay hindi na nakasali sa mga ito dahil hindi mawala sa isip niya ang narinig mula sa dating asawa.

Agad siyang napailing at pilit na winaglit sa isip ang lahat ng naiisip niya. Ayaw niyang magkaroon ng maling interpritasyon sa mga bagay na narinig, matagal na silang wala ni Alexander at matagal na silang tapos.

Nang makarating sila sa kanilang bahay naunang bumaba si Xandra na agad namang hinabol ni Iara at Ginrose.

“Xandra ayos ka lang ba? Hindi ka na nagsalita pagkabalik mo sa kotse?”