Chapter 94 Awake

Iris's POV

"I know you are worrying son. But I hope you are okay! I'm sorry!"

Humihikbi lamang si Andrie habang nakatingin sa mga mata ko. Nasasaktan siya. Alam kong hindi siya makapaniwala sa nasaksihan niya kanina.

Ang bata pa niya para madamay sa ganitong gulo. Pero hindi ko maitatago sa kaniya ang katotohanan. Isinama ko siya rito sa hospital para makita niya si Lucas. Ang kaniyang ama.

Iyon ang pangarap ni Andrie. Ang makita niya ang kaniyang ama. Para kahit minsan maibsan ang lungkot sa kaniyang puso.

Alam kong doon lang magiging masaya si Andrie. Na minsan niyang makitang buo ang kaniyang pamilya.

Pero alam kong sa ngayon ay hindi siya magiging masaya. Dahil alam kong hindi niya matatanggap ang kalagayan ng kaniyang ama. Ang kalagayan ni Lucas.

Kasalanan ang lahat ng ito ni Clara. Kung hindi dahil sa kaniyang mga hangarin. Hindi sana nangyari ito. Hindi sana si Lucas nagkakaganito.

Sobra akong nasasaktan nang ginawa ni Clara. Gusto kong pagbayaran niya ang lahat na ginawa niy