Chapter 75 Regret

Lucas's POV

"Sir tama na! Bawal ang mag-iskandalo rito. Lasing na kayo. Kailangan niyo nang lumabas." para akong isang tutang inutusan ng babae.

Damn. Dahil sa lasing na ako. Hindi ko siya makilala. Hindi ko alam kung siya ang may-ari ng beer house na ito o siya ang manager. Umiikot ang paningin ko habang nakatingin sa kaniya. Nakakabaliw.

Hawak ko lamang ang glass na may lamang alak. Gusto kong magpakalasing hanggang sa wala na akong maramdaman. Hanggang sa wala na akong maramdaman na sakit sa dibdib ko.

Ilang wine na ang naubos ko. Ilang wine na rin ang natapon sa ibabaw ng mesa. Ang kalat ko na rin.

Napangisi ako na wala sa sarili. Para akong baliw sa harapan nila. Bagsak ang mga mata ko dahil sa kalasingan. Parusay-rusay at muntik na akong makasubsob sa mesa.

"Kaya kong bayaran ang lahat! Kaya kong bilihin ang beer house na 'to kahit ilang million pa. Basta hayaan mo lang akong magpakalasing, huh?"

Wala na nga ako sa katinuang pag-iisip. Hindi ko na alam kung ano ang lumalabas