Episode 14: The Birthday Party

Millow's POV

"Asawa ko nga pala, Millow."

Naawa ako nang matitigan ko ang asawa ni Sir Denver. Agad ko silang binati.

"May polio kasi ang asawa ko kaya kailangan niyang gumamit ng walking stick. Please help her, Millow, papunta sa table." Nakangiting pakiusap ni Denver.

Kaedaran lang ni Sir Leighton ang isang 'to. "Sige po, tara, ma'am."

"Salamat, iha." Napahawak ang babae sa isang braso ko habang paika-ika itong naglakad. "Hindi kasi pantay ang mga paa ko kaya kailangan kong gumamit nito. Ongoing pa rin ang treatment ko."

Nakunsensya ako dahil alam kong may babae ang asawa nito pero ayoko nang mangialam pa. Birthday ni Sir Lambert ngayon at marami nang nagsidatingan na mga guest. Busy ang lahat lalo na kaming mga katulong pero priority ko pa rin si Lake kapag pinatawag niya lalo na't personal maid niya 'ko.

"Salamat, Millow," nakangiting pasalamat ng babae nang makaupo na.

Iniwan ko na lang ang babae sa mesa para naman puntahan si Lake. Kanina pa niya 'ko inutusang magdala ng inumin.