Kabanata 6

Dumating na ang mga pagkaing in-order ng lalaki. Tahimik pa din ang dalagang si Priscilla habang hinihintay nila na matapos na sa paglalapag ang waiter sa in-order nilang pagkain.

Nanatiling nakatuon ang mga mata ng lalaki sa kaniya. Tila ba isa siyang pagkain ng isang gutom na gutom na lobo.

"Enjoy your meal, Sir." Ani ng waiter bago tuluyang umalis at isinarado ang pintuan ng kwarto.

Prenteng kinuha ni Axl ang mga kubyertos, "Let's eat first." Anito bago hiniwa ang steak sa plato at isinubo 'yon.

Hindi malaman ng dalaga ang tunay na dahilan kung bakit bigla-bigla na lamang nanuyo ang kaniyang lalamunan. Dahil siguro sa mga sinabi ng lalaki sa kaniya kanina o dahil sa tensiyon sa pagitan nilang dalawa.

Ngunit bago pa man isipin iyon ng dalaga ay hiniwa na nito ang steak sa plato. Tahimik na si Axl sa kaniyang kinakain at pa minsan minsan itong tumitingin kay Priscilla.

"I like your red birthmark on your neck." Kapagkuwan ay ani Axl sa gitna ng dinner nilang dalawa.