Kabanata 13

"97 days nalang." Bulong ni Priscilla at binilugan na ang petsa kung kailan nilang dalawa napagkasunduan ang kontratang pareho nilang pinirmahan ni Axl.

Hindi kinakaligtaan ng dalaga ang kalendaryo na nasa kaniyang silid sa condo unit ng lalaki. Napapansin pa ni Priscilla na mukhang abala ang lalaki ngayong araw dahil hindi niya nakita ang lalaki nang lumabas siya sa kaniyang silid.

Mag aalas diez na ng umaga. Kanina ay nag sabay pa silang dalawa ni Axl mag almusal ngunit ngayon ay hindi na nito kinatok ang dalaga para sa pananghalian at medyo kumakalam at humahapdi na ang sikmura ni Priscilla.

"Magandang araw sa'yo, Hija."

Napaigtad na lamang ang dalaga nang may biglang sumulpot na matandang babae sa kaniyang likuran ng mag punta siya ng kusina upang mag luto sana ng makakain. Hawak hawak ni Priscilla ang kaniyang puso dahil sa pagkagulat.

"M-magandang araw po..." Lumikot ang mga mata ni Priscilla upang hanapin si Axl ngunit wala ito sa kusina.

"Kayo po ba ang ina ni