CHAPTER 11

Hindi malaman ni Thalia kung ano ang isasagot sa tanong ng lola niya. Nahihiya siya dito kunng sabihin ang totoo. Matatanggap kaya nila?

Nanatiling tahimik naman ang mag-asawa at si Claire. Nakatingin lang kay Thalia at tinatantiya kung kaya ba ng dalaga na magsabi sa lola nito ng balita.

“Lola, huwag po kayong mabibigla at magagalit sa akin. Ipangako niyo po muna at wala dapat bawian.” Kinakabahang sabi ni Thalia.

“Hay naku apo, pinapakaba mo naman ako. Pero sige na, hindi ako mabibigla at magagalit.” Agad namang sabi ng lola niya.

“Eh kasi lola kaya po ako na-ospital dahil nagsuka po ako at nawalan ng malay, “ panimulang sabi niya.

“Ha! Eh jusko apo, napaano ka daw?” nag-aalalang sabi nito.

“Buntis po ako lola.” Deretsong sagot ni Thalia. Kahit na kinakabahan ay nagawa niya itong sabihin ng deretso.

“Ah mabuti naman at buntis ka lang pala,” agad na sabi ng lola niya. Ngunit nang maisip ang nadinig na sagot ng apo ay lumaki ang mata nito at napatindig na nakalagay ang dalawang