CHAPTER 15

Hindi malaman ni Thalia ang gagawin nang mag-umpisa na si Earl na tanggalin ang nakatapis nitong tuwalya. Napaka talaga nitong lalaki na ito, sa harap pa talaga niya magbibihis.

Napapikit siya nang tuluyan nang matanggal ng asawa ang tuwalya nito. Unti-unti siyang nagmulat ng mata nang makarinig siya siya ng tawa mula rito. Nakasuot na ito ng white tshirt ngunit naka-boxer lang.

“Hahaha, ang matatakutin naman ng misis ko. Natatakot ka bang matuklaw Thalia?” pilyong biro ni Earl sa asawa.

Namula ng husto ang pisngi niya sa tinuran ng asawa. Kung puwede lang lumubog siya sa kama ngayon okey lang sa kanya. Hiyang-hiya siya sa asawa.

“Nakakainis ka, ang bastos kaya na magbihis ang isang lalaki sa harap ng babae!” naiinis na sabi niya sa asawa, pilit na tinatakpan ang hiyang nararamdaman.

“Grabe naman si ma’am, nagbihis ako at hindi naghubad. Ang bastos yung naghubad,” laban ni Earl sa asawa na hindi nawawala ang pilyong ngiti.

“Kahit na, babae pa rin ako dapat di mo ginawa yun,” ayaw