CHAPTER THREE

"Do the building blocks, both of you!" sigaw ni Alec sa dalawang trainee na kaagad namang sumunod. 

Naroon siya sa malawak na training ground ng Hunter's Cavalry camp. Katatapos lang din niyang mag-ensayo kasama si Alexus at naisipan niyang dumaan muna sa ground para tingnan kung mayroon bang improvements ang mga trainees. Tatlumpo ang mga ito at kasalukuyan pang sumasailalim sa mahigpit na training at screening. Bago matapos ang tatlong buwan ay iilan lamang sa mga ito ang tiyak niyang matitira dahil bawat linggo ay may nagpapaalam na ang kadalasang dahilan ay hindi nakayanan ang mahigpit na training. Kung hindi naman ay dahil hindi nakitaan ng improvements. 

Nagpatuloy sa pag-iikot si Alec hanggang sa mapansin niya ang isang trainee. Nag-iisa ito at maliit ang katawan. Kung pagbabasehan niya ang tindig at ayos ay natitiyak niyang wala itong kahit na basic background sa martial arts. He's doing it the wrong way as he continues punching the wooden dummy training. 

Kunot ang noo at halos magsalubong ang mga kilay na humakbang si Alec palapit sa nakatalikod na lalaki. Paano nakalusot ang isang kagaya nito sa unang screening kung saan sinusukat ang taglay na lakas at tatag ng isang trainee? 

"What are you doing?" Alec asked. Voice was firm and full of authority. 

Napaigtad ang lalaki at napatigil sa ginagawa. Napalingon ito kay Alec at kaagad na nanlaki ang mga mata nang makilala ang batang general ng Hunter's Cavalry, East Branch. 

"G-General..." the guy mumbled in a stuttering voice. 

Mas lalong lumalim ang pagkakakunot ng noo ni Alec. 

"Stand up straight!" matalim at may kasamang diin na ani ni Alec sa kaharap na trainee na kaagad namang tumayo nang tuwid. 

Sigurado ba talaga ito sa pinapasok nito? 

"Your name?!"

Sandaling umilap ang mga mata ng trainee bago sumagot. "Anton Cipriano, Sir!" anito nitong kaagad na sumaludo. 

Hindi pa rin nawawala ang pagkakakunot ng noo ni Alec. Hindi siya kumibo at ilang sandaling pinagmasdan ang kaharap. 

Matangkad naman ito at kung tama siya ay nasa limang pulgada at pitong talampakan ang taas nito. Nakasuot ito ng puting T-shirt na tenernuhan ng kulay itim na tactical cargo pants at combat shoes. Iyon ang uniform ng mga trainees sa Hunter's Cavalry. 

Naningkit ang mga mata ni Alec nang may mapansing kakaiba sa kaharap na trainee ngunit pinili niyang huwag nang kumibo. Huminga siya nang malalim bago ito tinanguan. Mabilis namang ibinaba ng trainee ang kamay nitong nakalagay sa gilid ng noo. 

"You are doing it the wrong way." ani ni Alec dito. "You'll hurt yourself if you continue doing that. Worse is, you might fracture your fingers or hand." Dugtong niya bago humakbang palait sa wooden dummy training na nakatayo isang dipa ang layo mula sa kinatatayuan ni Anton. 

Ibinaba ni Alec sa isang tabi ang hawak na walkie-talkie bago binalingan si Anton na nagtatakamg nakatingin sa kanya. 

"Look at me." Turan ni Alec bago hinarap ang wooden dummy training at sunod-sunod na nagpakawala ng suntok. "Always strike with the pointer and the middle of your finger knuckles as it is the strongest part of your hand." Aniya habang patuloy na sinusunok ang kahoy na sadyang ginawa para sa mga trainees. 

Maya-maya pa ay tumigil na si Alec. Sinenyasan niya si Anton na kahit alumpihit ay kaagad namang humakbang palapit. 

"Now, let me see if you can do it properly." turan ni Alec at itinuro kay Anton ang naghihintay na wooden dummy training. "Try it..."dugtong niya. 

Bahagyang tumango si Anton bago nagsimulang sumuntok sa kahoy. Nakaka-ilang suntok na ito bago muling nagsalita si Alec. 

"Good...that's good!" tumatangong sabi ni Alec. "Just don't forget to do the proper breathing." aniya pa bago tinapik ang balikat ng natigilang si Anton. 

Ilang sandali pa ay nagpasya nang bumalik sa sarili niyang kubo si Alec para maligo. Pasado alas-otso na rin ng umaga at kailangan na niyang asikasuhin ang ilang pipirmahang papeles na ipinadala ng South branch noon pang isang araw. 

Pasipol-sipol pa siyang naglalakad nang bigla na lang may isang pares ng brasong tila ahas na pumulupot sa leeg niya. 

"Hello, husband!"

Kasabay ng malamyos na boses ay ang paglapat ng mainit na bagay sa kanyang mga labi. Dahil sa pagkabigla ay napaawang ang mga labi ni Alec. Ilang sandali siyang hindi nakagalaw at walang kurap ang nanlalaking mga mata na napatunganga sa babaeng nakalambitin sa kanyang leeg habang ang mga labi ay nakalapat sa bibig niya. 

My goodness but what the hell is wrong with this woman?! 

Nakarinig ng sunod-sunod na sipol si Alec mula sa mga nakapalibot sa kanilang hunters na napatigil sa ginagawa at naki-usyuso sa kanila. Maging ang mga trainees ay tumigil sa pag-eensayo at nakatanaw din sa gawi nila. 

Pagalit na binaklas ni Alec ang mga braso ng babae sa leeg niya. "What the hell are you doing?! At, paano ka nakapasok dito?!" Halos umusok ang ilong sa galit na singhal niya rito. 

Matamis na ngumiti ang babae at tila walang anumang pinaglandas ang dila sa mga labi nito. Muling nanlaki ang mga mata ni Alec dahil sa ginawa nito. 

Shameless! 

Umikot ang mga mata si Alec sa paligid at nang makitang nakatingin sa kanilang dalawa ng babae ang lahat ay mas lalong uminit ang ulo niya. Kagaya niya ay nabigla din ang mga ito at iisa ang reaction. Pare-parehong awang ang mga labi at shocked na nakatitig sa babaeng bigla na lang sumulpot sa harapan niya. 

"All of you, get back to what you're doing!" Pagalit niyang turan sa mga ito kaagad namang sumunod. "And, you!" Pasinghal niyang turan sa babaeng umangat lang ang kilay at tila naghahamong tinitigan siya. 

"Yes, popcorn?" untag nitong bakas sa tinig ang pinaghalong pang-iinis at panunukso. 

"What are you doing —"

Ngunit hindi na natapos ni Alec ang sasabihin nang biglang sumulpot si Alexus sa harapan nila na hila-hila ang may kalakihang maleta. Kasunod nito si Ryland na blangko ang mukha habang hawak sa kamay ang isang carry-all bag. 

"General Villarreal, saan ho ba namin ilalagay ang mga ito?" tanong ni Alexus na bahagyang inginuso ang dalang maleta at ang carry-all bag na hawak ni Ryland.  "Sa kubo mo ba o doon sa bakanteng kubo na malapit sa ku—"

"Wait a minute!" naguguluhang pigil niya rito. "What are you talking about? Kanino ang mga iyan?" Kunot ang noo at buhol ang mga kilay na tanong ni Alec kay Alexus. 

"Sa Misis mo, General. Hindi namin alam na darating siya. Mabuti na lang pala at nakita namin siya ni Ryland sa labas ng gate. Ayaw nga sanang papasukin ni Cleo pero ang sabi niya ay siya raw si Mrs. Alec Villarreal at gusto ka raw niyang sorpresahin." 

Laglag ang pangang lumipad ang paningin ni Alec sa babaeng malawak ang ngiti habang tumatango sa bawat paliwanag ni Alexus. 

"You!" Pulang-pula ang mukhang turan ni Alec habang pilit na pinipigilan ang sariling tirisin ang walang-hiyang babae. "What's the meaning of this, Kathleen?!" may diin ang bawat salitang tanong niya rito habang ang dibdib ay mabilis na tumataas-baba dahil sa malalim at sunod-sunod na paghinga. 

Kathleen shrugged her shoulders. "I'm moving in here." tila walang anumang tugon nito bago binalingan sina Alexus at Ryland. "Doon sa kubo ni Alec, please." Matamis ang ngiting ani nito sa dalawa na kaagad namang tumango at tumalikod. 

"What the fuck, Kathleen?!"