Chapter 47

SAMPUNG ARAW mula sa pag- alis ni Matthew papuntang Boracay. At tatlong araw na rin ang lumipas ay wala pa ring balita si Mia tungkol sa nobyo. Hindi niya na nakakausap pa ang binata, kaya ay labis- labis ang kanyang pagkabahala kung ano nga ba ang nangyayari kay Matthew. Hindi niya ito makontak, palaging naka- off ang phone nito. Gusto niya sanang puntahan si Merna sa mansiyon ng mga Delos Reyes ngunit siya ay nangangamba na baka hindi niya mapigilan ang sarili na masabi pa niya kay Donya Lina ang biglang pagkawala ni Matthew. Oo, ikinonsidera niya ito na nawala dahil wala na siyang balita tungkol dito. Ni hindi man lang ito makontak.

Ilang gabi rin siyang walang tulog, dahil sa sobrang pag- aalala sa isiping baka mayroong nangyayaring masama rito. Naisipan niya ring tawagan na lang si Merna ngunit lagi rinh off ang phone nito. Naintindihan niya naman kung bakit laging patay ang phone ni Merna. Dahil baka iniiwasan nito na kokontakin pa ito ng dating nobyong si Rafael. Pero sana nag