CHAPTER SEVENTY-EIGHT

Maganda ang sikat ng araw sa umagang ito kaya nagpasya si Rebecca na bumangon na mula sa pagkakahiga niya. Ngayon na lumalaki na talaga ang baby bump niya ay lagi siyang tinatamad na kumilos. Ang tanging motivation niya na lang yata ay ayaw niyang maging pabigat kay Bryle araw-araw dahil lang sa buntis siya. Isa pa ay nakikitira lang naman siya dito.

Patayo na sana siya nang biglang bumukas ang pinto. Iniluwa non si Bryle na dahan-dahang naglalakad papasok. May dala itong food tray na mayroong breakfast. Amoy pa lang non ay tila nag-iimbita na sa kanya na kumain. He always do this for her. Kaya nga sana gustong agahan ni Rebecca ang pagbangon niya nang hindi na mag-abala pa si Bryle na hatiran siya ng food sa kwarto but then it's too late.

"Gising ka na pala, Becca. Tumayo ka na muna at kumain. I woke up early to make this for you," ani Bryle sabay ngiti ng matamis. Sino pa bang makakatanggi sa ngiti nito? Tila ba tuwang-tuwa talaga siya na pinaghahandaan niya si Rebecca. Na pinagsi