Chapter 44

“Don’t worry about me, I’m totally fine.” Natuwa na sana ako dahil sa wakas ay sinagot na ni Stacy ang tawag ko. Sa dami na ng naipadala kong text sa kanya simula nang nasa meeting ako kanina hanggang sa pagtawag ko ng maraming beses, ngayon lang siya sumagot. Magsasalita pa sana ako para tanungin kung nasaan ba siya ngayon, kung kumain na ba siya pero agad niya ring pinutol ang tawag ko. Nagtaka ako sa tono ng boses niya, parang may mali, bakit parang galit siya sa akin? Sa tingin ko nga ay hindi tama ang ginagawa niya ngayon sa akin, mukha akong tanga sa pag aalala tapos sasagutin niya lang ng ganoon. Alalang alala ako sa kanya tapos sasabihan niya ako ng ganoon?

Nandito ako sa school niya ngayon, matiyagang nag aabang sa kanya dahil nga nagbabakasakali akong dito ko siya mahahanap. Gusto ko nang bumaba ng kotse at magtanong sa mga kaklase niya o kaya naman ay kay Miss Perez kaya lang ay inaalala ko ang posibleng galit niya kapag ginawa