Chapter Ten

Hindi ko alam kung anong gustong mangyari ni Diego, tinawagan niya kanina ang magulang ko para sabihin na kung pwede ba akong isama sa kung saan man. Ito namang magulang ko, masayang tinanggap ang gusto ni Diego, pinayagan nila si Diego na isama ako. Kaya ngayon, nandito ako sa bahay niya para mamili ng damit online dahil iyon ang utos niya. Kasama ko si Mina, ang kaedad ko lang na katulong ni Diego.

“Ayaw mo ba nito, Ma’am?” Pinakita niya sa akin ang dress na kulay black at kitang-kita ang dibdib ko, bukas din ang likuran. Maganda naman siya pero hindi ko alam kung saan kami pupunta ni Diego para magsuot ng ganitong damit.

“Maganda siya kaso hindi ko pa alam kung saan kami pupunta ni Diego, tatawagan ko muna siya at kung alam ko na para saan ang lakad namin. Babalikan kita.”

“Sige, Ma’am.” Tumalikod ako sa kanya at kinuha ang cell phone, I called Diego na agad niya rin namang sinagot.

“Hey, may problema ba? Pauwi na rin ulit ako.” Mahinahong sabi niya sa akin, napairap na lang ako