CHAPTER FORTY-ONE

I WAS PULLED out of my reverie when Mr. Sanford called me. Ibinalik ko ang tingin ko sa mag-asawa. Naka-upo na sila at ang mga tingin nila ay nasa’kin. May pagtataka sa kanilang mukha kung bakit hanggang ngayon ay nakatayo pa rin ako.

Pinilit kong ngumiti para ipakita na walang problema pero meron. Umupo na ako at kinuha ang menu na nasa ibabaw ng mesa.

Habang nakatingin ako doon ay sinusulyapan ko si Luke. Ngayon pa lang ay marami nang katanungan ang nabubuo sa aking isipan at gusto ko ay masagot agad niya ito.

Bakit may kasama siyang buntis na babae? At bakit ngiting-ngiti siya habang kausap ang babae? Gusto kong isipin na kamag-anak lang niya ang babae pero sa nakikita ko ngayon ay mukhang hindi.

Nasagot na nang mga kilos nila ang mga katanungan sa isip ko.

Gusto kong puntahan si Luke para ipaliwanag niya sa akin ang mga nangyayari pero ayokong maging bastos. Ayokong gumawa ng gulo dito sa loob ng restaurant. Ayokong ipahiya ang mga kasama ko ngayon kaya kahit sumasabog na ako sa