Chapter 74

CHAPTER 74

ISANG linggo na ang lumipas simula noong kinuha niya si Owen. At parating gumugulo kay Arthuro ang tagpong iyon nila ni Anastashia. Hindi pa rin siya makapaniwala ngayon na mas pinili ni Owen ang sumama sa kaniya.

Gayunpaman, hindi niya maiwasan ang kalungkutang nararamdaman ni Owen. Sa katunayan ay mag-iisang linggo na rin itong parating umiiyak. Pinili nga siya ni Owen pero parang hindi naman ito naging masaya sa naging desisyon nito.

“Owen, kain na tayo,” tawag niya dito.

Nasa labas siya ng kuwarto nito. Isang linggo na rin niyang ginagawa na nandito lang si Owen sa kuwarto at tinatawag niya ito para kumain. Bagaman, wala siyang magagawa. Nasasaktan si Owen. Ang gusto nito ay ang muling magkaayos silang dalawa ni Anastashia na sa katunayan ay hindi naman na mangyayari dahil masiyado nang magulo ang lahat. Ramdam na ramdam niya ang sobrang galit ni Anastashia.

Gusto ko na ring itigil ang lahat nang ito. Gusto kong akuin lahat na kasalanan. I knew, I knew everyth