Chapter 90

CHAPTER 90

NANG matapos na maligo si Owen ay agad na pumunta sila sa kusina. Nadatnan niya si Arthuro na nagkakape.

“Good morning, Owen!” masayang bati nito sa anak nila.

Agad na tumakbo si Owen papalapit kay Arthuro. Yumakap din agad ito.

“Mommy told methat you had a surprise for me,” imporma nito.

Tumingin naman si Arthuro sa kaniya habang nakangiti pa ito. Ngumisi rin siya.

“Hindi ko lang mapigilan ang sarili ko. At saka malalaman din naman niya,” saad niya.

“Totoo ang sinabi ng mommy mo, anak. Pero mamaya mo pa malalaman kung ano ‘yon. Mamayang hapon na kasi ang birthday celebration mo,” imporma nito.

Nakangiti lang siya habang tiningnan ang mag-ama. Habang kinatitigan niya ang mga ito, noon lang din niya napansin na sobrang malapit si Owen kay Arthuro. Naiinggit siya pero hindi naman iyong gusto niya ring agawin ang atensiyon ni Owen.

“Excited na akong makita ang sorpresa ninyo!” sabi pa ni Owen.

Bumaling ulit ang tingin ni Arthuro sa kaniya. Magsasalita na s